އެމެރިކާގެ ރިޔާސީ އިންތިހާބަށް ރަޝިޔާއިން ނުފޫޒުފޯރުވި ކަމުގެ ދޮގު ހެކި އެމެރިކާގެ ހެކަރުން އުފައްދާފައި ވެދާނެ ކަމަށް ރަޝިޔާގެ ރައީސް ލަޑީމިއާ ޕޫޓިން ވިދާޅުވެއްޖެއެވެ.
އެންބީސީ ނިއުސްއަށް ޕޫޓިން ދެއްވި އިންޓަވިއުގައި ވިދާޅުވެފައި ވަނީ އެމެރިކާގެ ރިޔާސީ އިންތިހާބުގެ ދުވަސް ވަރު ( ޑިމޮކްރެޓިކް ޕާޓީގެ އީމެއިލްތައް) ހެކް ކުރި ހެކަަރުން މަސައްކަތް ކޮށްފައި ވަނީ އެއީ ރަޝިޔާއިން ކުރި ކަމެއް ކަމަށް ދޭހަވާ ގޮތަށް ކަމަށް ވެދާނެ ކަމަށެވެ. އަދި އެއީ ސިޔާސީ ބޭނުމެއްގައި ކޮށްފައިވާ ކަމެއް ކަމަށް ދެކެވަޑައިގަންނަވާނެ ކަމަށް ވެސް އޭނާ ވިދާޅުވެފައި ވެއެވެ.
އެމެރިކާގައި މިދިޔަ އަހަރު ބޭއްވި ރިޔާސީ އިންތިހާބުގެ ކެމްޕޭން ހިނގަމުން ދަނިކޮށް އެގައުމުގެ ޑިމޮކްރެޓިކް ޕާޓީގެ އީމެއިލްތަކެއް ހެކްކޮށް، ލީކް ކޮށްލި ހާދިސާ އަކީ އެމެރިކާގެ މިހާރުގެ ރައީސް ޑޮނަލްޑް ޖޭ ޓްރަމްޕަށް އިންތިހާބު ކާމިޔާބު ކޮށްދޭން ރަޝިޔާއިން ކުރި ކަަމެއް ކަމަށް ވަނީ ތުހުމަތު ކުރެވިފައެވެ. އެހެންްވެ، ރަޝިޔާއާއި އެމެރިކާގެ މިހާރުގެ ސަރުކާރުގެ އިސް ބޭފުޅުންނާ ދެމެދު ސިއްރު ގުޅުންތަކެއް އޮތްތޯ ބެލުމަށް ފެޑެރަަލް ބިއުރޯ އޮފް އިންވެސްޓިގޭޝަންސް ( އެފްބީއައި) އާއި ސީއައިއޭ އިން އަންނަނީ ތަހުގީގެއް ހިންގަމުންނެވެ.
ރަޝިޔާގެ ރައީސް ލަޑީމިއާ ޕޫޓިން. ފޮޓޯ: ރޮއިޓާސް