އިނގިރޭސިވިލާތުގެ ވެރިރަށް ލަންޑަންގައި އެއްގަމު އުޅަނދަކާއި ވަޅިން ދިން ހަމަލާތަކެެއްގަައި ހަ މީހުން މަރުވެ 30 އަށް ވުރެ ގިނަ މީހުން ޒަހަމްވެއްޖެއެވެ.
ރޮއިޓާސް ބުނީ ހަމަލަތާ ދިން ތިން މީހުން ފުރަތަމަ އެމީހުން ދުއްވި ވޭނުން ޖެއްސީ ލަންޑަން ބްރިޖްމަތީގައި އެވަގުތު ތިބި މީހުންނަށް ކަމަށެވެ. އެއަށް ފަހު އެސަރަހައްދުގައިވާ ބާ ތަކަށް ވަދެ އެތަންތަނުގައި ތިބި މީހުންނަށް ވަޅިން ހަމަލާ ދިން ކަމަށް ވެސް މަންޒަރުދުށް މީހުންނާ ހަވާލާދީ އެ އެޖެންސީން ބުންޏެވެ.
ހާދިސާގެ ހަބަރު ލިބިގެން އެތަނަށް ދިޔަ ފުލުހުން ވަނީ ހަމަލާ ދޭން ތިބި ތިން މީހުންގެ ގަޔަށް ބަޑިޖަހައި މަރާލާފަައެވެ.
ލަންްޑަންގައި މިފަދަ ހަމަލާއެއް ދީފައި މިވަނީ މެންޗެސްޓާ ސިޓީގައި ބޭއްވި ކޮންސެޓެއް ނިންމައިލި ވަގުތު މީހަކު އެތަނަށް ބޮމުން ހަމަލާދީ 22 މީހުން މަރައިލިތާ ދެ ހަފްތާވެސް ނުވަނީހެވެ.
ރޭ ލަންޑަންގައި ހިނގި ހާދިސާއާ ގުޅިގެން އިނގިރޭސި ފުލުހުން ހަރަކާގތްތެރި ވަނީ. ފޮޓޯ: ރޮއިޓާސް