ޓެރަރިޒަމަށް ވާގިދޭ ކަމަށް ބުނެ ގަތަރާ ގުޅުން ކަނޑާލާފައިވާ ޔުނައިޓެޑް އަރަބް އެމިރޭޓްސް ( ޔޫއޭއީ)ގައި ހުރި ގަތަރު އެއާވޭސްގެ އޮފީސްތައް މިހާރުން ފެށިގެން ބަންދު ކުރަން ނިންމާފައިވާ ކަމަށް އެގައުމުން ބުނެފިއެވެ.
ޔޫއޭއީގެ ޖެނެރަލް ސިވިލް އޭވިއޭޝަން އޮތޯރިޓީއާ ހަވާލާދީ ގަލްފް ނިއުސް ބުނީ ގަތަރު އެއާވޭސްގެ ހުރިހާ އޮފީހެއް ބަންދުކުރަން ނިންމި ނިންމުމަށް ވަގުތުން އަމަލުކުރަން ފަށާނެ ކަމަށެވެ.
ގަލްފް ކޯޕަރޭޝަން ކައުންސިލް ( ޖީސީސީ)ގައި ހިމެނޭ މުއްސަނދި ގައުމެއް ކަމަށްވާ ގަތަރާ ގުޅުން ކަނޑައިލަން އެ ޖަމާއަތުގެ އެހެން ގައުއުމުތަކުން ނިންމީ ދެ ދުވަސްކުރިންނެވެ. އެ ކަމުގައި އިސްނެގީ ސައުދީ އަރަބިއްޔާއިންނެވެ. އެއަށް ފަހު ޔޫއޭއީ އާއި ބަހުރައިނާއި މިސްރުން ވެސް ވަނީ ގަތަރާ ގުޅުން ކަނޑާލާފައެވެ. އަރަބި ގައުމުތަކުގެ އިތުރުން ރާއްޖޭން ވެސް ވަނީ އެގައުމާ ގުޅުން ކަނޑާލާފައެވެ.
ގަތަރާއި ގުޅުން ކަނޑައިލި އަރަބި ގައުމުތަކުން ވަނީ އެގައުމު ތަކުގެ ވައިގެ ސަރަހައްދާއި ކަނޑުގެ ސަރަހައްދުވެސް ގަތަރަށް ބަންދުކޮށްފައެވެ.
ޔޫއޭއީގެ ވެރިރަށް ދުބާއީގައިވާ ގަތަރު އެއާވޭާސްގެ އޮފީހެއް. ފޮޓޯ: ގަލްފު ނިއުސް