ވިޔަފާރި

ތެލުގެ ޑިއުޓީ ކުޑަ ކުރުމުން މުދަލުގެ އަގު ހެޔޮވާނެ: ލިލީ

Jun 13, 2017
5
މާލެ ވިޔަފާރި ބަނދަރުން މުދާ ނެރެނީ -- އަވަސް ފޮޓޯ
0%
0%
0%

ތެލުގެ ޑިއުޓީ ކުޑަކޮށް އަގު ހެޔޮ ކުރުމާއެކު ބާޒާރުގައި ވިއްކާ މުދަލުގެ އަގުތައް ވެސް ހެޔޮ ވެގެންދާނެ ކަމަށް ލަފާކުރެވޭ ކަމަށް ލިލީ ގްރޫޕުގެ ވެރިޔާ، އަހުމަދު ނާސިރު (މައްލާ ނާބެ) ވިދާޅުވެއްޖެ އެވެ.

ރާއްޖެއަށް އެންމެ ގިނައިން މުދާ އެތެރެކުރާ ލިލީ ކުންފުނީގެ ޗެއާމަން މައްލާ ނާބެ ވިދާޅުވީ ތެލުގެ އަގު ހެޔޮ ކޮށްފިނަމަ އޭގެ ހެޔޮ ބަދަލުތައް ބާޒާރުގައި މުދަލުގެ އަގުން ވެސް ފެންނާނެ ކަމަށެވެ.

"ތިޔަ ބޭފުޅުން ވިސްނާލީމަ ވެސް އެނގޭ ނޫތޯ ތެލުގެ އަގު ހެޔޮ ކުރުމުން އަގުތައް ހެޔޮ ވާނެކަން. އަޅުގަނޑުމެންގެ ވިސްނުމަކީ ވެސް އެއީ މި ބަދަލާއެކު އަގުތައް ހެޔޮވުން،" ނާބެ ވިދާޅުވި އެވެ.

ރާއްޖޭގައި މުދަލާއި ހިދުމަތުގެ އަގު ހެޔޮކުރުމަށް ޓާގެޓުކޮށް، ސަރުކާރުން ވަނީ ރާއްޖެއަށް އެތެރެކުރާ ތެލުގެ ބާވަތްތަކުން މިހާރު ނަގާ 10 ޕަސެންޓުގެ ޑިއުޓީ ފަސް ޕަސެންޓަށް ކުޑަ ކުރުމަށް މަސައްކަތް ފަށާފަ އެވެ. މިގޮތުން "އިމްޕޯޓް އެކްސްޕޯޓް" ގާނޫނަށް ބަދަލު ގެންނަން ރައްޔިތުން މަޖިލީހަށް ވަނީ ވައްދާފަ އެވެ.

ލިލީ ގްރޫޕުގެ ވެރިޔާ ވިދާޅުވީ މުދަލުގެ އަގު ހެޔޮވުމަށް އޮތް އަނެއް ފަސޭހައަކަކީ މިހާރު ޑޮލަރު ފަސޭހަކަމާއެކު ލިބެން ހުރުން ކަމަށެވެ.

" ކުރިން މި ކިޔަނީ 17ރ. އަށް ނޫނީ 18ރ. އަށޭ ޑޮލަރު ލިބެނީ. އެކަމަކު މިހާރު ފަސޭހަކަމާއެކު އެބަ ޑޮލަރު ލިބޭ. މިހާރު ޑޮލަރުގެ ވާހަކަ މީހަކު ނުދައްކާ ނޫންތޯ؟ މިހާރު ޑޮލަރު އެހުރީ ލިބެން 15.42ރ. އަށް. އެހެންވީއިރު މީގެ ފައިދާ ވަރަށް ބޮޑުވާނެ،" ނާބެ ވިދާޅުވި އެވެ.

5 comment
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!

މަހެންޏަށް

ޑޮލަރުގެ ވާހަކައަށް ވެސް އަދި ގަންޖާ ބައިގަނޑު ހަޖަމް ނުވެގެން އަދި ރައްޔިތުންގެ ބޮލަށް ޗިޕްޖަހާގޮތަށް ވާހަކަ ބަދަލުކޮށްލާނެ ބަލަން ތިބޭ ،،،،،،،،،،،،،،،،،،،،،

ޢައަލީ

ޑޮލަރުގެ ވާހަކަ ތެދު! ރައީސް ނަޝީދު ވެރިކަމުގައި ޑޮލަރު އަގުބޮޑުކުރީ އަޑު އަހަނީ ޖީ.އެމް.އާރ އިން ލިބޭހާ ޑޮލަރު ހަފްތާއަކުން ހަފްތާއަކުން ގަނޑުކޮށް ބޭރަށް ގެންދިޔުމުން. އޭރު ޑޮލަރު ނުލިބުނުކަން ޔަޤީން. މިއަދު ބާޒާރުމަތިންވެސް ބޮޑު އަދަދުތަކުން 16ރ. އަށް ލިބޭ. ރ.ޔާމީންއަށްގެ ވެރިކަމުގައި މިފަސޭހަ މިލިބުނު ނަމަވެސް ކާބޯ ތަކެތި އަގު ހެޔޮ ނުވާތީ ކަންބޮޑުވޭ. އަޑުއަހާގޮތުން ނަމަ ތަކެތީގެ އަގުބޮޑުވަނީ ސަރުކާރުން މުސާރަ ބޮޑުކުރާ ފަހަރުތަކުގައި. ސިވިލްސާރވިސް އ.ޑިރެކްޓަރ އަސާސީ މުސާރަ 7100ރ. ޏަމަވެސް ކާބޯތަކެތީގެ އަގު އުފުލެމުން ދަނީ ކާބޯ ތަކެތި ވިއްކާ ފަރާތްތަކަށް އެނގޭ ކަހަލަ އިންސާނުން ނުކައި ނުބޮއެ ނުތިބޭވޭނެކަން. ވިއްކި އަގެއް ހަމަ ހެވޭ ގަންނާނޭ!

ޖިމްރީޒް

ޑިއުޓީއޭކިޔާގެންވެސް އެބަލަނީ އެވެރިިން ދައްކަންޖެހޭ އެއްޗެއްމަދުކުރެވޭތޯ. ތިޔަ ޑިއުޓީ ކަންޑާލިޔަސް އެވެރިން ތަގެތި ވިއްކާނީ އިންތިހާ ފައިދާ ލާފަ.

ބިތުފަންގި

ލިލީ އިން ކުޅުދުއްފުއްޓައް މުދާބޭލިޔަސް މާލެއުންވިއްކާނީ ތަފާތު ބޮޑު ފައިދާލާފައި އަނެއްކޮޅުން ކުޅުދުފުއްޓައް މުދާބާލާ ނަން މުދާ ފައިބާނީ މާލެޔަށް. ތިޔައުޅެނީކީ ޑިއުޓީބޮޑުވެގެނެއްނޫން ޑިއުޓީ މާފުކުރިޔަސް ތިޔަތަނުން ހުންނާނީ އަތްނުފޯރާފަށުގަ އަގުތައް.

ޖިމްރީޒް

ލިލީ ތީމިހާރު ހައްދުފަހަނަ އަޅާފައިވާ ވިޔަފާރީއެއް. ބައެއްމުދަލުން 200 ޕަސެންޓް އަނެއްބައި މުދަލުން 400 ޕަސެންޓް ފައިދާ މިހާރުވެސް ނަގާ. ތިޔައީކީ ޑިއުޓީގެ މައްސަލައެއްނޫން.

April
SunMonTueWedThuFriSat
303112345678910111213141516171819202122232425262728293012345678910