ރޯދަ މަހު ދުވާލު ގަޑީ ކައިގެން ހައްޔަރު ކުރި މީހުންގެ އަދަދު އިތުރުވެއްޖެ އެވެ.
ފުލުހުން މިއަދު އާންމު ކުރި ތަފާސް ހިސާބުތަކުގައި ބުނެފައި ވަނީ މިދިޔަ އަހަރު ރޯދަ މަހުގެ ފުރަތަމަ ދުވަހުން ފެށިގެން 25 އާ ހަމަޔަށް ދުވާލުގަޑީ ކައިގެން 18 މައްސަލައެއްގައި 15 މީހަކު ހައްޔަރުކޮށްފައިވާ ކަމަށެވެ. ނަމަވެސް މި އަހަރުގެ ރޯދަ މަހުގައި އެ މުއްދަތުގެ ތެރޭގައި 19 މައްސަލައެއްގައި 21 މީހުން ހައްޔަރު ކުރެވިފައިވާ ކަމަށް އެ ހިސާބުތަކުން ދައްކަ އެވެ.
އެ މައްސަލާގައި ހައްޔަރު ކުރި މީހުންގެ ބަންދަށް ޖަހާފައި ވަނީ ކިތަށް ދުވަސް ކަމެއް ނުވަތަ އެ މީހުންނާ ބެހޭ އިތުރު ތަފްސީލެއް ހާމައެއް ނުކުރެ އެވެ.
ގާނޫނުލްއުގޫބާތުގައި ބުނާ ގޮތުން ދީނީ އަދި ސިއްހީ ކަމެއް ނެތި ރޯދަ ދޫކޮށްލުމަކީ ކުށެކެވެ.