ވިލިމާލޭގައި ހުންނަ މޯލްޑިވްސް ގޭސް އިފީހުން ވައްކަންކޮށްފައިވާ ކަމަށް ފުލުހުން ބުނެފި އެވެ.
ފުލުހުން ބުނީ މޯލްޑިވްސް ގޭސްގެ އޮފީހުން ވައްކަންކޮށްފައިވާ ކަމަށް ރިޕޯޓުކޮށްފައި ވަނީ މިދިޔަ ހަފްތާ އާދީއްތަ ދުވަހުގެ ހެނދުނު 6:30 ގައި ކަމަށެވެ. އަދި އެ މައްސަލާގައި އުމުރުން 34 އަހަރުގެ ފިރިހެނެއް ހައްޔަރުކޮށްފައިވާ ކަމަށާއި އެކަން އިތުރަށް ތަހުގީގު ކުރަމުންދާ ކަމަށް ފުލުހުން ބުންޏެވެ.
މޯލްޑިވްސް ގޭސްގެ އޮފީހުން ވައްކަންކޮށްފައި ވަނީ ކިހާ އަދަދެއްގެ ފައިސާއެއް ކަމެއް ސާފެއް ނުވެ އެވެ. އަދި އެކަމާ ގުޅިގެން އެ ކުންފުނީގެ ބަހެއް ވެސް މިހާތަނަށް ލިބިފައި ނުވެ އެވެ.