އިދިކޮޅު ފަރާތްތަކުން އުޅެނީ ސަރުކާރުން ގައުމަށް ގެނެސްދޭ ތަރައްގީ ހަޖަމް ނުވެގެން ކަމަށް ހެލްތު މިނިސްޓަރު އަބްދުﷲ ނާޒިމް ވިދާޅުވެއްޖެ އެވެ.
ރައްޔިތުން މަޖިލީހުގެ ރައީސް އަބްދުﷲ މަސީހު މުހައްމަދުގެ އިތުބާރު ނެތް މައްސަލަ ތިން ވަނަ ފަހަރަށް ހުށަހަޅާފައި ވަނިކޮށް ނާޒިމް މިއަދު ވިދާޅުވީ އިދިކޮޅު ފަރާތްތަކުގެ މަސައްކަތްތަކަކީ ތަރައްގީއަށް ހުރަސް އެޅުން ކަމަށެވެ. އަދި އުޅުއްވަނީ ރައީސް އަބްދުﷲ ޔާމީން ރާއްޖެއަށް ގެނެސްދެއްވާ ތަރައްގީ ހަޖަމް ނުވެގެން ކަމަށް ނާޒިމް ވިދާޅުވި އެވެ.
މަސީހުގެ އިތުބާރު ނެތް މައްސަލަ އިދިކޮޅު ފަރާތްތަކުން ހުށަހެޅީ ސަރުކާރުގެ ނުވަ މަޖިލީސް މެންބަރުންގެ ސޮޔާއެކުގަ އެވެ. އެ މައްސަލާގައި ސަރުކާރު ފަޅީގައި މިހާރު ތިއްބެވި އެމްޕީން ބުނަމުން އަންނަނީ އެ ސޮއިތަކުގެ ސައްހަ ކަމާ މެދު ސުވާލު އުފެދޭ ކަމަށެވެ.