މާލޭގައި ދެ މީހެއް ގަޔަށް ވަޅިން ހަމަލާދީ ޒަހަމްކޮށްލައިފި އެވެ.
ފުލުހުން ބުނީ މިރޭ 8:35 ހާއިރު މާލޭގައި ވިލިނގިލީ ފެރީ ޓާމިނަލް ކައިރީ މާރަމާރީ ހިނގާ މީހަކަށް ތޫނު އެއްޗަކުން ހަމަލާދީ ޒަހަމްކޮށްލާފައިވާ ކަމަށެވެ. އަދި މިރޭ 9:00 ހާއިރު މާފަންނު އެލްސިއަން ބޭކަރީ ކައިރީގައި ވެސް މީހަކަށް ތޫނު އެއްޗަކުން ހަމަލާދީ ޒަހަމްކޮށްލާފައިވާ ކަމަށް ފުލުހުން ބުންޏެވެ. ނަމަވެސް އެމީހުންގެ ވަނަވަރެއް ނުވަތަ އެ މީހުންނަށް ލިބިފައި ވަނީ ކިހާ ވަރެއްގެ އަނިޔާ ކަމެއް އަދި ސާފެއް ނުވެ އެވެ.
ދެ މީހެއްގެ ގަޔަށް ވަޅި ހަރާފައިވާ އިރު މި މަސް ތެރޭގައި އެކި މާރަމާރީގެ ތެރެއިން ތިން ކުޑަ ކުއްޖެއް ގަޔަށް ވެސް ވަނީ ވަޅިން ހަމަލާދީފަ އެވެ. އަދި ފުލުހުން މިއަދު ނެރުން ބަޔާނެއްގައި ބުނެފައި ވަނީ މާރަމާރީއާ ރޭވިގެން ހިންގާ ކުށްތައް މި ދުވަސްކޮޅު އަލުން ގިނަ ވެފައިވާ ކަމަށެވެ.