ވެސްޓްހަމްގެ ރެކޯޑް އަގެއްގައި، ސްޓޯކް ސިޓީގެ މާކޯ އަރުނާއޮޓޮވިޗް ފަސް އަހަރު ދުވަހުގެ އެއްބަސްވުމުގެ ދަށުން ސޮއި ކޮށްފި އެވެ. އަރުނާއޮޓޮވިޗް ދޫކޮށްލަން ސްޓޯކް ސިޓީން އެއްބަސްވީ 25 މިލިއަން ޕައުންޑަށެވެ. މިއީ ކުޅުންތެރިޔަކު ގެންނަން ވެސްޓްހަމްއިން ހޭދަ ކުރި އެންމެ ބޮޑު އަގެވެ.
އޮސްޓްރިއާގެ ގައުމީ ޓީމުގެ ފޯވަޑް އަރުނާއޮޓޮވިޗް ގެންދަން، މީގެ ކުރިން ވެސްޓްހަމްއިން ސްޓޯކަށް ދެފަހަރަށް ހުށަހެޅި އެވެ. ނަަމަވެސް އޭރު ސްޓޯކުން އެކަމަށް އެއްބަސް ވެފައެއް ނުވެ އެވެ.
"ވެސްޓްހަމް ކުޅުންތެރިޔަކަށް ވުމީ އަހަންނަށް ލިބުނު ހާއްސަ އުފަލެއް،" އޮސްޓްރިއާގެ ގައުމީ ޓީމަށް 62 މެޗު ކުޅެފައިވާ ފޯވަޑް ބުންޏެވެ. ހުރިހާ އެންމެންނަށްވެސް އެނގޭނެ ވެސްޓްހަމް އަކީ ބޮޑު ކުލަބެއް ކަން ބޮޑު ތާރީހެއްވެސް އޮތް ކުލަބެއް، މި ކުލަބާ ގުޅުމުގެ ފުރުސަތު ލިބުމުން އަހަރެން ވަރަށް އުފާ ވެއްޖެ، މި ޓީމާއެކު މަސައްކަތް ފަށަން އައަހަރެން މިހުރީ ކެތް މަދުވެފަ."
އަރުނާއޮޓޮވިޗް28، 2013 ވަނަ އަހަރު ސްޓޯކް ސިޓީއާ ގުޅުނީ، ޖަރުމަންގެ ވާޑާބްރޭމަން އިން 2.3 މިލިއަން ޕައުންޑަށެވެ. އޭނާ ސްޓޯކްއާ ގުޅުމުން އެ ޓީމުގެ ފުރަތަމަ 11 އިން ބަރާބަރަށް ޖާގަ ލިބެން ފެށި އެވެ. އޭނާ ވަނީ އެ ޓީމަށް ކުޅުނު 145 މެޗުގައި 26 ލަނޑު ޖާޙަފަ އެވެ.
ވެސްޓްހަމްއިން ވަނީ ސިޓީގެ ޑިފެންޑަރު ޕަބެލޯ ޒަބެލެޓާވެސް އެ ޓީމަށް ގެނެސްފަ އެވެ. އަދި ސިޓީގެ އެއްބަސް ވުމުގައި ހުރި ކީޕަރު ޖޯ ހާޓްވެސް ލޯން އެއްބަސްވުމުގެ ދަށުން ވަނީ ގެނެސްފަ އެވެ.