ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައަޅާފައިވާ ވިލިގިލީ ދާއިރާގެ މެންބަރު ސައުދު ހުސައިން ފުލުހުން ދޫކޮށްލައިފި އެވެ.
ރާއްޖެ ޓީވީއަށް ދެންމެއަކު ސައުދު ދެއްވި އިންޓަވިއުއެއްގައި ވިދާޅުވީ ކޯޓު އަމުރުގައި ހިމެނެން ޖެހޭ އިޖުރާއަތުގައި ފުރިހަމަ ނުވުމުގެ ސަބަބުން ދޫކޮށްލާފައިވާ ކަމަށެވެ. އަދި ފުލުހުން ދަނީ ކަންކަން އަވަސް އަރުވާލައިގެން ކުށްވެރި ނުވާ ބައެއް ކުށްވެރި ކުރުމަށްޓަކައި މަސައްކަތް ކުރަމުންދާ ކަމަށާއި ފުލުހުން އަންނަނީ މަޖިލީހުގެ މެންބަރުންނަށް ހުރަސް އަޅަމުން ކަމަށް ސައުދު ވިދާޅުވި އެވެ.
އިއްޔެ އިދިކޮޅު މެންބަރުން މަޖިލީހަށް ވަތް ވަގުތު އޭނާ ވެސް މަޖިލީހުގެ ތެރެއަށް ވަދެފައިވާތީ، އެކަމާ ގުޅިގެން ފުލުހުން ހިންގާ ތަހުގީގަށެވެ. ފުލުހުން ބުނަނީ އެބޭފުޅާ އަކީ މެންބަރެއް ނޫން ކަމަށް އިލެކްޝަންސް ކޮމިޝަނުން ކަނޑައަޅާފައި ވަނިކޮށް އެބޭފުޅުންނަށް މަޖިލީހަށް ނުވަދެވޭނެ ކަމަށެވެ. އެހެން ނަމަވެސް އެބޭފުޅުންގެ ގޮނޑި ގެއްލުނު ކަމަށް ބުނާ މައްސަލަ ސުޕްރީމް ކޯޓުން އެ މައްސަލަ ވަނީ ބަލައިގެންފަ އެވެ.
މީގެ އިތުރުން ރޭގެ ވަގުތެއްގައި ތުލުސްދޫ ދާއިރާގެ މެންބަރު މުހައްމަދު ވަހީދު، ވައްޑޭ ވެސް ފުލުހުން ވަނީ ކޯޓް އަމުރަކުން ހައްޔަރުކޮށްފަ އެވެ. އަދި އޭނާގެ ބަންދުގެ މުއްދަތު ވަނީ 15 ދުވަހަށް ޖަހައިފަ އެވެ.