އެމެރިކާގެ ރިޔާސީ ގަނޑުވަރު ވައިޓްހައުސްގެ ކޮމިއުނިކޭޝަން ޑިރެކްޓަރަކަށް 10 ދުވަސް ކުރިން ހަމަޖެއްސި އެންތަނީ ސްކަރަމޫޗީ އެ މަގާމުން ވަކިކޮށްފި އެވެ.
ވޯލްސްޓްރީޓްގެ ބޭންކްތަކުގައި ކުރިން އިސް މަގާމުތައް އަދާ ކުރައްވާފައިވާ ސްކަރަމޫޗީ މަގާމުން ވަކިކުރީ ވައިޓް ހައުސްގެ ބައެއް އިސް ބޭފުޅުންނާ ބެހޭ ގޮތުން ނޫސްވެރިއަކާ ދެއްކެވި ވާހަކަތަކެއްގައި ހުތުރު ބަހުރުވަ ބޭނުން ކުރައްވާފައި ވަނިކޮށެވެ. ސްކަރަމޫޗީ މަގާމުން ވަކިކުރަން ނިންމެވީ ވައިޓްހައުސްގެ ޗީގް އޮފް ސްޓާފް ކަމުގެ މަގާމަށް ދާދި ފަހުން ހަމަޖެއްސެވި ކުރީގެ ހޯމްލޭންޑް ސެކިއުރިޓީ ސެކްރެޓަރީ ޖެނެރަލް ރިޓަޔާޑް ޖޯން ކެލީ އެވެ.
ސްކަރަމޫޗީއަށް ވަައިޓްހައުސްގެ ކޮމިއުނިކޭޝަން ޑައިރެކްޓަރުކަން ދެއްވުމުހން ވައިޓްހައުސްގެ ތަރުޖަމާނަކަށް ހުންނެވި ޝޯން ސްޕައިސާ އާއި ވައިޓްހައުސްގެ ޗީފް އޮފް ސްޓާފްގެ މަގާމުގައި ހުންނެވި ރައިންސް ޕްރީބަސް ވަނީ އިސްތިއުފާ ދެއްވާފައެވެ.
ސްކަރަމޫސީއަކީ އެމެރިކާގެ ރައީސް ޑޮނަލްޑް ޖޭ ޓްރަމްޕް އަށް ކުރިޖން ފާޑުވިދާޅުވެފައިވާ ބޭފުޅެކެވެ. އޭނާ މަގާމުން ވަކި ކުރެއްވިކަން ހާމަކުރެއްވީ ވައިޓްހައުސްގެ ތަރުޖަމާނު ސާރާ ސޭންޑާސް އެވެ. -- ބީބީސީ
އެންތަނީ ސްކަރަމޫޗީ. ފޮޓޯ: ދަ ނިއުޔޯކާ