ރާއްޖޭގެ އެންމެ ބޮޑު ޓެލެކޮމް ކޮމްޕެނީ ކަމަށްވާ ދިރާގަށް ނިމިދިޔަ ކުއާޓަރުގައި ސާފު ފައިދާގެ ގޮތުގައި 209 މިލިއަން ރުފިޔާ ލިބިއްޖެ އެވެ.
ދިރާގުގެ ދެވަނަ ކުއާޓަރުގެ މާލީ ހިސާބުތައް ދައްކާ ގޮތުން ފުރަތަމަ ކުއާޓަރުގައި 243 މިލިއަން ރުފިޔާ ސާފު ފައިދާގެ ގޮތުގައި ލިބިފައިވާއިރު، ސާފު ފައިދާގެ ގޮތުގައި ދެވަނަ ކުއާޓަރުގައި ލިބުނީ 209 މިލިއަން ރުފިޔާ އެވެ.
ދިރާގުގެ ހިސާބުތައް ދައްކާ ގޮތުގައި ފުރަތަމަ ކުއާޓަރުގައި އެ ކުންފުންޏަށް އާމްދަނީގެ ގޮތުގައި ލިބިފައި ވަނީ 643.8 މިލިއަން ރުފިޔާ އެވެ. ނަމަވެސް ދެވަނަ ކުއާޓަރުގައި ލިބުނީ 626 މިލިއަން ރުފިޔާ އެވެ.
ދިރާގުގެ ހިއްސާއަކަށް މިިދިޔަ ކުއާޓަރުގައި ޖެހިފައި ވަނީ 2.75ރ. އެވެ. ނަމަވެސް ފުރަތަމަ ކުއާޓަރުގައި ހިއްސާއަކަށް 3.21ރ. ޖެހިފައިވެ އެވެ.