މަޝްހޫރު ބަތަލާ އައިޝްވާރިޔާ ރާއި ދެން އެންމެ އަވަހަށް ކުޅެން ފަށާ ފިލްމު، "ފަންނޭ ޚާން" ގައި އޭނާގެ ލޯބިވެރިޔާގެ ރޯލުން ފެނިގެންދާނެ ކަމަށް އަޑުއަރާފައި އޮތީ އައިޝްވާރިޔާ އަށް ވުރެން އެތައް އަހަރެއް ހަނގު ޒުވާން ދެ ތަރިން ކަމަށްވާ ވިކީ ކޯޝަލް އާއި ރާޖްކުމާރު ރާއޯ އެވެ.
އަނިލް ކަޕޫރު ވެސް މުހިންމު ރޯލަކުން ފެނިގެންދާ މި ފިލްމުގައި އައިޝްވާރިޔާ އާއެކު އޭނާގެ ލޯބިވެރިޔާގެ ރޯލުން ފެނިގެންދާނީ އެކްޓަރު އާރް މާދަވަން ކަަމަށް ހަބަރުތައް ބުނެ އެވެ.
އައިޝްވާރިޔާ އާއެކު މާދަވަން މި ފިލްމުގައި ފެނިގެންދާނަމަ މިއީ 2007 ވަނަ އަހަރު ނިކުތް "ގުރޫ" އަށް މި ދެތަރިން އެކުގައި ފެނިގެންދާނެ ދެވަނަ ފިލްމެވެ.
އޯމްޕަރަކާޝް މެހެރާ ޑައިރެކްޓްކުރާ މި ފިލްމުގައި އައިޝްވާރިޔާގެ ލޯބިވެރިޔާގެ ރޯލުން މާދަވަން ފެނިގެންދާނެކަން ނުވަތަ ނޫންކަން ފިލްމުގެ ޕްރޮޑިއުސަރުން އަދި ޔަގީންކޮށެއްްނުދެ އެވެ. ނަމަވެސް އެމީހުން ވަނީ ކުރިއަށް އޮތް ދެ ހަފްތާއެއްހާ ދުވަހުގެ ތެރޭގައި ހުރިހާ ކާސްޓުން ފައިނަލްކޮށް އިއުލާންކުރާނެ އެވެ.
އަންނަ މަހުގެ ތިން ވަނަ ދުވަހު ޝޫޓިން ފަށާ މި ފިލްމަކީ ބޮޑީ ޝޭމިންއާ ދެކޮޅަށް ވަރުގަދަ މެސެޖެއްގެ މައްޗަށް އުފައްދާ ފިލްމެކެވެ.
މިފަހުން މާދަވަން ކުޅެފައިވާ ކާމިޔާބު ފިލްމުތަިުގެ ތެރޭގައި "ތަންނޫ ވެޑްސް މަންނޫ" ސިލްސިލާގެ ދެ ފިލްމު ހިމެނެ އެވެ. "ފަންނޭ ޚާން" ގެ އިތުރުން މާދަވަން އެސްޓްރޮނޯޓް ފިލްމު، "ޗަންދާ މަމާ ދޫރްކޭ" އިން ވެސް ފެނިގެންދާނެ އެވެ.