ރެއިންބޯގެ ރެކްރިއޭޝަން ކްލަބުން ހުޅުމާލެ ސާފު ކުރުމުގެ ހަރަކާތެއް ކުރިއަށް ގެންގޮސްފި އެވެ.
އިމާރާތް ކުރުމުގެ ދާއިރާގައި ފުޅާ ދާއިރާއެއްގައި މަސައްކަތް ކުރާ ކުންފުނިން ހުޅުމާލެ ސާފު ކުރަން މިދިޔަ ހުކުރު ދުވަހު ކުރިއަށް ގެންދިޔަ ހަރަކާތުގައި އެ ކުންފުނީގެ 120 މުވައްޒަފުން ބައިވެރިވެފައިވެ އެވެ.
ރެއިންބޯގެ އިޖުތިމާއީ ޒިންމާގެ ދަށުން، ފެށި މި މަސައްކަތުގެ މަގުސަދަކީ ތިމާވެށި ސާފުކޮށް ބޭއްވުމަށް މުވައްޒަފުންނާއި ރައްޔިތުން ހޭލުންތެރި ކުރުވުން ކަމަށް އެ ކުންފުނިން ބުނެ އެވެ.
ރެއިންބޯ މުވައްޒަފުން ހުޅުމާލެ ސާފު ކުރަނީ-- ފޮޓޯ: ރެއިންބޯ
ރެއިންބޯއިން ހުޅުމާލެ ސާފު ކުރުމަށް ފެށި، މަސައްކަތް ސިލްސިލާ ހަރަކާތެއްގެ ގޮތުގައި ކުރިއަށް ގެންދަން، އެ ކުންފުނިން ވަނީ ނިންމާފަ އެވެ.