ރާޖަސްތާނުގެ ޖައިޕޫރު ނަަމަކަށް ކިޔާ ރަށުގައިވާ އާސާރީ ބިނާއެއްގައި އެލުވާފައި ހުރި (ދައްޖައްސާފައި ނުވަތަ އަމިއްލައަށް ދަން ޖެހިފައި ހުރި) މީހެއްގެ ހަށިގަނޑު ފެނުނު އިރު އޭނާ ހުރި ތަނުގައި މައްސަލަ ބޮޑު ފިލްމު 'ޕަދުމާވަތީ' އާ ދެކޮޅަށް ލިޔެފައިވާ މެސެޖްތަކެއް ހުރުމުން ބޮޑެތި ސުވާލުތަކެއް އުފެދިއްޖެއެވެ.
ޗިތާން ސައިނީ ނަމަކަށް ކިޔާ އުމުރުން 40 އަހަރުގެ އެމީހާގެ ހަށިގަނޑު އެލުވާފައި ހުރި ތަނުގެ ކައިރީގައި ހިލަގަނޑެއްގައި ލިޔެފައިވާ މެސެޖެއްގައި ބުނެފައި ވަނީ 'ޕަދުމާވަތީ ފިލްމާ ދެކޮޅަށް މަސައްކަތް ކުރާ މީހުން ހަމަ އެކަނި އެފިގީ އަންދާނީ ނޫން ކަމަށާއި އެމީހުން ދަންވެެސް ޖައްސާނެ " ކަމަށެވެ. އޭނާގެ ހަށިގަނޑު އެލުވިފައި ހުރީ ނަހަރްގަރްފޯޓް ނަމަކަށް ކިޔާ އާސާރީ ފޯޓެއްގައެވެ.
ޗިތާން ސައިނީ މަރުގެ ފަހަތުގައި މީހެއްގެ އަތެއް ނުވެދާނެ ކަމަކަށް ފުލުހުން އަދި ނުނިންމަައެވެ. އެ މައްސަލަ ތަހުގީގު ކުރަމުން އަންނަނީ އެކަމަށް ވިސްނައިގެންނެވެ.
އުތުރު ޖައިޕޫރު ފުލުހުންގެ ޑެޕިއުޓީ ކޮމިޝަނަރު ސަތުޔެންދުރާ ސިން ދަ ހިންދޫ ނޫހަށް ވިދާޅުވެފައި ވަނީ އެއީ ޗިތާން މަރުވީ އަމިއްލައަށްތޯ ނުވަތަ އެއީ ގަތުލެއްތޯ ބަލަން ތަހުގީގުކުރަމުން އަންނަ ކަމަށެވެ. އޭނާ ވިދާޅުުވެފައި ވަނީ އެތަނުގައި ލިޔެފައިވާ މެސެޖްތައް އެއީ ކާކުގެ އަތު ލިއުމެއްތޯ ވެސް ބަލަމުން އަންނަ ކަމަށް އޭނާ ވިދާޅުވެފަައި ވެއެވެ.
އިންޑިއާގެ ހިންދޫން ވަރަށް ބޮޑު ގަދަރެއް ކުރާ ރާނީއެއް ކަމަށްވާ 'ޕަދުމާވަތީ'ގެ ހަޔާތުގެ މައްޗަށް ލިޔެފައިވާ ވާހަކައަކަށް ހަދާފައިވާ ފިލްމު ޕަދުމާވަތީ ދެއްކުމާ ދެކޮޅަށް ހިންދޫން އަންނަނީ މުޒާހަރާތައް ކޮށް އަޑު އުފުލަމުންނެވެ. އެކަމުގައި އިސްކޮށް އުޅޭ މީހުން ވަނީ ޗިތާންގެ މަރާ އެމީހުންނާ ގުޅުމެއް ނެތް ކަމަށެވެ. އަދި ބުނެފައި ވަނީ އެއީ އެމީހުން އިހުތިޖާޖުކުރާ ގޮތް ނޫން ކަމަށެވެ.
ނަހަރްގަރްފޯޓް. ފޮޓޯ: ދަ ހިންދޫ