ތިރީސް ކައިޓް ސާފަރުން، ވިލިމާލެ އިން މާފުއްޓަށް ދާން ހުކުރު ދުވަހު ދަތުރު ފަށާނެ އެވެ.
ރާއްޖޭގައި ގެސްޓްހައުސް އެންމެ ފުޅާކޮށް ކުރާ ކ. މާފުށީ، މާފުށި ޑައިވް އެންޑް ވޯޓާސްޕޯޓްސް އިން ރާވާ މި އިވެންޓު ފެށުމަށް ހަމަޖެހިފައިވަނީ ހުކުރު ދުވަހުގެ މެންދުރު ފަހު 2:30 ގަ އެވެ.
ގުޑިއެއް ހަރުކޮށްފައިވާ ސާފިން ބޯޑެއްގައި ތަފާތު ހުނަރު ދައްކާލާ ގޮތަށް ކުޅޭ ކައިޓް ސާފިންގެ 30 މީހުން މި އިވެންޓުަގައި ބައިވެރިވާނެ އެވެ. މި ބައިވެރިން ވިލިމާލެ އިން ފުރަައިގެން 25 ކިލޯ މީޓަރުގެ ދަތުރެއް ކުރުމަށްފަހު މާފުއްޓަށް ދެވޭވަރު ވާނީ ހަވީރު އެވެ.
"ރާޅު ގުޑި- ކައިޓް ބޯޑިން ޗެލެންޖް" އިންތިޒާމުކުރާ މާފުށީ ވޯޓާ ސްޕޯޓްސްގެ އޮފިޝަލަކު ޓީވީއެމްއަށް ދިން އިންޓަވިއުއެއްގައި ވިދާޅުވި ގޮތުގައި މި ހަރަކާތުގެ މަގުސަދަކީ ކައިޓް ސާފިންއަށް ލޯބި ޖެއްސުމެވެ.
"އިވެންޓުގެ މަގުސަދެއް މި ކުޅިވަރަށް ލޯބި ޖެއްސުން. ރާއްޖެއަކީވެސް ކައިޓް ސާފިން ޑެސްޓިނޭޝަނެއްގެ ގޮތުގައި ދައްކައިލުން،" އޮފިޝަލް ވިދާޅުވި އެވެ.
ޓޫރިޒަމްގެ މައި ސީޒަނާ ދިމާކޮށް، ޓޫރިޒަމާ ގުޅުންހުރި ހާއްސަ އިވެންޓެއް ރާވާއިރު، މިދިޔަ އަހަރު ވަނީ ކަތަމަރާންއެއްގައި އަބްދުލް ގަފޫރު (ގައްބެ) ރާއްޖެ ވަށަައި ބުރެއް ޖަހާފަ އެވެ.