ރާއްޖެއަށް މިއަހަރުގެ ފުރަތަމަ ހަތް ދުވަހުގެ ތެރޭގައި 43،903 ފަތުރުވެރިން ޒިޔާރަތްކޮށްފި އެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން މި އަދަދަކީ މިދިޔަ އަހަރުގެ މި މުއްދަތުގައި ޒިޔާރަތްކުރި 40،015 ފަތުރުވެރިންނަށްވުރެ 3،888 ފަތުރުވެރިން -- 9.7 ޕަސެންޓް އިތުރުވުމެކެވެ.
ރާއްޖެއަށް މިހާރު އެވަރެޖްކޮށް ދުވާލަކު 6،272 ފަތުރުވެރިން ޒިޔާރަތްކުރެ އެވެ.
ފަތުރުވެރިކަމުގެ ގަދަ 10 ގައުމު
- ރަޝިއާ - 8،040 ފަތުރުވެރިން
- އިޓަލީ - 6،529 ފަތުރުވެރިން
- އިނގިރޭސިވިލާތް - 3،198 ފަތުރުވެރިން
- ޖަރުމަނު - 2،705 ފަތުރުވެރިން
- އިންޑިއާ - 1،731 ފަތުރުވެރިން
- ޗައިނާ - 1،615 ފަތުރުވެރިން
- އެމެރިކާ - 1،468 ފަތުރުވެރިން
- ރޯމޭނިއާ - 1،192 ފަތުރުވެރިން
- ކަޒަކިސްތާން - 1،036 ފަތުރުވެރިން
- ފްރާންސް - 956 ފަތުރުވެރިން
ރާއްޖެއަށް މިއަހަރު ޒިޔާރަތްކުރި ފަތުރުވެރިންގެ ތެރެއިން 30،685 ފަތުރުވެރިން -- 69.9 ޕަސެންޓް ޗުއްޓީ ހޭދަކުރީ ރިސޯޓްތަކުގަ އެވެ.
ގެސްޓްހައުސްތަކުގައި 10،865 ފަތުރުވެރިން - 24.7 ޕަސެންޓް ޗުއްޓީ ހޭދަކުރިއިރު 1،204 ފަތުރުވެރިން ޗުއްޓީ ހޭދަކުރީ ހޮޓާތަކުގަ އެވެ. އަދި 1،149 ފަތުރުވެރިން ޗުއްޓީ ހޭދަކުރީ ސަފާރީތަކުގަ އެވެ.
ފަތުރުވެރިކަމަށް މިވަގުތު ރާއްޖޭގައި 172 ރިސޯޓާއި 929 ގެސްޓްހައުސްގެ އިތުރުން 155 ސަފާރީ އަދި 15 ހޮޓާ ދަނީ ހިންގަމުންނެވެ. މި ތަންތަނުގައި ފަތުރުވެރިންނަށް ހުރި އެނދުގެ އަދަދަކީ 63،248 އެވެ.
