ބޭންކް އޮފް މޯލްޑިވްސް (ބީއެމްއެލް) ގެ އަހަރެންގެ ބޭންކްގެ ހާއްސަ ކެމްޕެއިނުގެ ދަށުން ބާސްކެޓް ކޯޓެއް ހުޅުވައިފި އެވެ.
ބާސްކެޓް ބޯލް އެސޯސިއޭޝަން (އެމްބީއޭ) އާއެކު ވެފައިވާ "އެކްސްކުލޫސިވް ޕާޓްނަޝިޕް" އިއްޔެ ކޯޓު ހުޅުއްވައި ދެއްވީ ބީއެމްއެލްގެ ސީއީއޯ އެންޑްރޫ ހީލީ އެވެ. މި ކޯޓު ހުޅުއްވައި ދެއްވީ ބާސްކެޓް ކޯޓު އެކުވެނި އައުޓް ޑޯ ސަރަހައްދުގަ އެވެ.
ފުރަތަމަ ކޯޓުގައި ބޭއްވި ރަސްމިއްޔާތެއްގައި ފުރަތަމަ ތަމްރީންތައް ބާއްވާފައިވަނީ 13 އަހަރުން ދަށުގެ ގައުމީ ސްކޮޑް އާއި 16 އަހަރުން ދަށުގެ ގައުމީ ސްކޮޑުންނެވެ.
ބީއެމްއެލް އިން ބުނީ އެމްބީއޭއާއެކު ވެފައިވާ އެއްބަސްވުމުގެ ދަށުން ބާސްކެޓުގެ އުމްރާނީ ވަސީލަތްތައް ގާއިމުކުރުމުގެ އިތުރުން ކުރިއަށް އޮތް ތިން އަހަރުގެ ތެރޭގައި ޔޫތު ޑިވެލޮޕްމެންޓް ޕްރޮގްރާމްގެ ދަށުން 1,000 ކުޅުންތެރިން ތަމްރީން ކުރުމަށް ހަމަޖެހިފައިވާ ކަމަށެވެ.