ލެވަންޓޭ އަތުން އެއްވަރުވެ ރެއާލް މެޑްެރިޑްގެ ތާރީހްގައި އެކުލަބު އެންމެ ދަށް ހާލަތަށް ވެއްޓުމާ ގާތަށް ހިނގައްޖެ އެވެ. ރޭ ކުޅުނު މެޗު އެއްވަރުވީ 2-2 ން ނެވެ.
މިރޭ ބާސެލޯނާއިން އެސްޕަނޯލްއާ ދެކޮޅަށް ކުޅޭ މެޗުން މޮޅު ވެއްޖެނަމަ، ރެއާލްއާ ބާސާ އާ ދެމެދު 21 ޕޮއިންޓްގެ ބޮޑު ފަރަގެއް އޮންނާނެ އެވެ. ބާސާއާ ރެއާލް އާ ދެމެދު މިހާބޮޑު ތަފާތެއް އައުމަކީ އެ ޓީމުގެ ތާރީހްގައި މީހާތަނަށްވީ ކަމެއް ނޫނެވެ.
މިދިޔަ އަހަރަކީ ރެއާލްގެ ތާރީހްގައި އެންމެ ރަނގަޅު ސީޒަނެވެ. ސްޕެއިން އާއި ޔޫރަޕްގެ ޗެމްޕިއަން އަދި ދުނިޔޭގެ ކުލަބުގެ ޗެމްޕިއަނަކީވެސް ރެއާލް އެވެ. ނަމަވެސް އެ ޓީމުން ބާސާ އާ ދެމެދު މިހާބޮޑު ތަފާތެއް އައުމުން މިއީ އެ ކުލަބު ތާރީހްގައި އެންމެ ބޮޑަށް ދަށަށް ދިޔުން ކަމަށް ވެދާނެ އެވެ.
ރެއާލް ލީޑްގައި އޮއްވައި، ލެވަންޓޭއިން ނަތީޖާ ހަމަހަމަ ކުރީ މެޗުގެ ފަހު ވުގުތުގަ އެވެ. މެޗުގެ ފުރަތަމަ ލީޑް ނެގީވެސް ރެއާލް މެޑްރިޑެވެ. މެޗު ފެށިގެން 11 ވަނަ މިނެޓްގައި އެ ޓީމަށް ލީޑް ނަގައިދިނީ ކެޕްޓަން ސާޖިއޯ ރާމޯސް އެވެ. ޑިފެންޑަރެއްގެ ގޮތުގައި ގިނަ ލަނޑު ޖަހާ ކުޅުންތެރިޔާ، ރޭ ގެ ޖެހި ލަނޑަކީ 11 މަސް ފަހުން އޭނާ ކާމިޔާބު ކުރި ފުރަތަމަ ލަނޑެވެ. ލެވަންޓޭއިން ނަތީޖާ ހަމަހަމަ ކުރީ 41 ވަނަ މިނެޓްގައި އެމެނުއެލް ބޯޓެން އެވެ.
ރެއާލް އަށް އަލުން ލީޑް ނަގައިދިނީ ބަދަލު ކުޅުންތެރިންޔެއްގެ ގޮތުގައި ކުޅެން އެރި އިސްކޯ އެވެ. އޭނާ ލަނޑު ޖެހީ 81 ވަނަ މިނެޓްގަ އެވެ. ލެވަންޓޭއިން ނަތީޖާ ހަމަހަމަ ކުރީ 89 ވަނަ މިނެޓްގައި ޖިއަމްޕާލޯ ޕަޒީނީ އެވެ.