ލިވަޕޫލްގެ ކުރީގެ ފޯވަޑް ސެނަގާލްގެ އަލް ހާޖީ ޑިއުފް ސެނަގޯލްގެ ރައީސް ކަމަށް ކަރިމަތި ލާނެ ކަމަށް އިއުލާން ކޮށްފި އެވެ.
ޖަޕާނާއި ދެކުނު ކޮރެއާގައި 2002 ވަނަ އަހަރު ބޭއްވި ވޯލްޑްކަޕްގެ ކްއާޓާ ފައިނަލަށް ސެނަގާލް ގެންގޮސް ދިނުމުގައި ޑިއުފް ވަނީ މޮޅު ކުޅުމެއް ދައްކާފަ އެވެ.
މިހާރު އުމުރުން 37 އަހަރުގެ ޑިއުފް ބޭނުން ވަނީ ސިޔާސީ ދާއިރާ އަށް ނިކުތުމަށެވެ.
"ގިނަ އަހަރުތަކެއް ވަންދެން އަހަރެންގެ ވިސްނުން ގެންގުޅެނީ ފުޓްބޯޅައިގެ ތެރޭގައި، ނަމަަވެސް މިހާރު އަހަރެންގެ އާ ކެރިއާ އޮތީ ސިޔާސީ ދާއިރާގައި،" ޑިއުފް ވިދާޅުވި އެވެ. "އަހަރެން ނިންމުން ނިންމައިފިން ސިޔާސީ މަސައްކަތްތައް ކުރަން، އަހަރެންނާއެކު މީހުން އެބަތިބި އަހަރެންގެ ގައުމުގެ ކަންކަން ބަދަލު ކުރަން ބޭނުންވާ، އަދި އަހަރެން މިހުރީ އެކަމަށް ތައްޔާރަށް އަހަރެން ބޭނުން ވަނީ ގައުމުގެ ޒުވާނުންގެ ބަތަލަކަށް ވާން."
ސެނަގާލްއަށް ރައީސް އަކު އިންތިހާބު ކުރަން ބާއްވާ އިންތިހާބު އޮންނާނީ އަންނަ އަހަރު އެވެ. އަންނަ އަހަރު ރައީސް ކަމަށް ނިކުންނަވާނެ ކަމަށް ސީދާ ވިދާޅުނުވި ނަމަވެސް ޑިއުފު އިޝާރާތްތައް ހުރީ އަންނަ އަހަރަށް ތައްޔާރުވާ ގޮތަށެވެ.
"ސިޔާސީ ދާއިރާއާ މެދު އަހަރެންގެ ޝައުގުވެރިކަން އެބައޮތް، ސެނަގާލްގެ ރައްޔިތުން ދަނީ އަހަރެން މޮނިޓާ ކުރަމުން، އެއީ އަހަރެންގެ ކުރިމަގަކީ، ސެނަގާލްގެ ރައްޔިތުން އަހަރެންގެ ވާހަކަ އަޑުއަހާނެ."
ލައިބީރީއާގެ މިހާރުގެ ރައީސް ޖޯޖޯ ވިއާ އަކީ އޭސީ މިލާން އަށް ކުޅުނު ދުނިޔޭގެ މަޝްހޫރު ކަން ހޯދާފައިވާ ކުޅުންތެރިޔެކެވެ.