ބީއައިޓީ މިލާންގައި ރާއްޖެއިން ބައިވެރިވެއްޖެ

އިޓަލީގެ ވެރިރަށް މިލާންގައި ކުރިއަށްދާ ބީއައިޓީ ފެއާގައި ރާއްޖޭގެ ސްޓޯލަށް ބޮޑު ތަރުހީބެއް ލިބިއްޖެ އެވެ.

މޯލްޑިވްސް މާކެޓިން އެންޑް ޕީއާރު ކޯޕަރޭޝަން (އެމްއެމްޕީއާރުސީ) އިން ބުނި ގޮތުގައި މިމަހުގެ 11-13 އަށް އިޓަލީގައި ކުރިއަށްދާ ފެއާގައި ރާއްޖޭގެ ނުވަ ކުންފުންޏަކުން 19 މީހުން ބައިވެރިވާ ކަމަށެވެ.

އިޓަލީގައި ބާއްވާ އެންމެ ޒަމާންވީ ޓޫރިޒަމް ފެއާ ކަމަށްވާ ބީއައިޓީއަކީ 1980 ވަނަ އަހަރުން ފެށިގެން ބާއްވަމުން އަންނަ ފެއާއެކެވެ.

ބީއައިޓީ އިންތިޒާމުކޮށްފައިވަނީ ފުރަތަމަ ދުވަސް އާއްމުންނަށް ހުޅުވާލާ ގޮތަށެވެ. އަދި ދެވަނަ ދުވަހު ޓޫރިޒަމާ ގުޅުން ހުރި ފަރާތްތަކާއި ޓުއާ އޮޕަރޭޓަރުންނަށް ހުޅުވާލާނެ އެވެ.

ރާއްޖޭގެ އެންމެ ދުވަސްވީ މާކެޓު ކަމަށްވާ އިޓަލީން މިދިޔަ އަހަރު 88،484 މީހުން ޒިޔާރަތް ކޮށްފަައިވެ އެވެ. މިއީ 24.8 ޕަސެންޓުގެ އިތުރުވުމެކެވެ.

އިޓަލީގައި އޮތް ޓޫރިޒަމް ފެއާގައި ރާއްޖޭން ބައިވެރިވިއިރު، މިދިޔަ މަހު ފަސް ފެއާއެއްގައި ރާއްޖޭން ބައިވެރިވެފައިވެ އެވެ.