ކާމިޔާބު ސީޒަނެއް ދައްކާފައިވާ "ބިގް ލިޓުލް ލައިސް" އިން އެ ސީރީޒްގެ ދެ ވަނަ ސީޒަންގެ ކާސްޓް، އަންނަނީ ވަރުގަދަ ކުރަމުންނެވެ.
ރީސް ވިދަސްޕޫން އަދި ނިކޯލް ކިޑްމެން ލީޑުން ފެނިގެންދާ އެ ސީރީޒްގެ ކާސްޓަށް މިދިޔަ މަހު ވަނީ އޮސްކާ އަދި އެމީ އެވޯޑް ހޯދާފައިވާ ކުޅަދާނާ އެކްޓްރެސް، މެރެލް ސްޓްރީޕް ނަގާފަ އެވެ. މީހެއްގެ މަރާއި އާއިލާ ނުވަތަ އާންމު ދިރިއުޅުމުގައިޖެހޭ ތަފާތު މައްސަލަތަކުގެ މައްޗަށް ބިނާކޮށް ގެނެސްދޭ މި ފިލްމުގެ ފުރަތަމަ ސީޒަނަށް ބޮޑު ތަރުހީބެއް ލިބުނެވެ.
މިހާރު އެޗްބީއޯ އިން ވަނީ އެ ސީރީޒްގެ ފުރަތަމަ ސީޒަނުން ފެނިގެންދިޔަ ތިން ތަރިއަކު ކުރިއަށް އޮތް ސީޒަނުގައި ފެނިގެންދާނެ ކަން ކަށަވަރުކޮށްދީފަ އެވެ. އޭގެ ތެރޭގައި ފުރަތަމަ ސީޒަންގައި ޖޭންގެ ރޯލު ކުޅުނު ޝެލިނީ ވުޑްލީ އާއި ރެނަޓާ ކްލެއިންގެ ރޯލުން ފެނިގެންދިޔަ ލޯރާ ޑާން އަދި ބޮނީ ކާލްސަންގެ ރޯލުން ފެނިގެންދިޔަ ޒޯއީ ކްރަވިޓްޒް ހިމެނެ އެވެ.
ދެ ވަނަ ސީޒަންގައި ފެނިގެންދާނީ ފުރަތަމަ ސީޒަންގައި މަރުވި ވިލަން ޕެރީގެ މަރަށްފަހު، ޖޭން އޭނާގެ ދަރިފުޅު ޒިގީއާއެކު އާ ދިރިއުޅުމެއް ފެށުމަށް މަސައްކަތްކުރާ ތަނެވެ. ރެނަޓާ އޭނާގެ ކައިވެނީގައި މައްސަލަތަކެއް ޖެހިގެން އުޅޭތަން ފެނިގެންދާއިރު، ފިރިމީހާ ޕެރީ މަރުވުމުން ބޮނީގެ ދިރިއުޅުމަށް އައިސްފައިވާ ބަދަލުތައް ވެސް ފެނިގެންދާނެ އެވެ.
"ބިގް ލިޓް ލައިސް" އަށް މިދިޔަ އަހަރުގެ އެމީ އެވޯޑްސްގައި އަށް ކެޓަގަރީއަކުން އެވޯޑު ލިބުނުއިރު، ހަތަރު ކެޓަގަރީއަކުން ގޯލްޑެން ގްލޯބްސްގައި ވެސް އެވޯޑު ހޯދާފައިވެ އެވެ.
"ބިގް ލިޓްލް ލައިސް" ގެ ދެ ވަނަ ސީޒަން ބެލުންތެރިންނާ ހަމައަށް އަންނާނީ އަންނަ އަހަރު އެވެ.