އަންނަ މަހު ހަވަނަ ދުވަހު ބާއްވާ ރައްޔިތުންގެ މަޖިލީހުގެ ދިއްގަރު ދާއިރާގެ ބައި އިލެކްޝަންގައި ވާދަ ކުރައްވާ ކެންޑިޑޭޓުންގެ މެދުގައި ބަހުސެއް ބާއްވަން ޕަބްލިކް ސާވިސް މީޑިއާ (ޕީއެސްއެމް) އިން ވެސް ހަމަޖައްސައިފި އެވެ.
މި ބައި އިލެކްޝަންގައި ވާދަ ކުރައްވާ ކެންޑިޑޭޓުންގެ މެދުގައި ބަހުސެއް ބާއްވާނެ ކަމަށް ސަންގު ޓީވީން ވެސް ވަނީ އިއުލާންކޮށްފައެވެ.
ދިއްގަރު ދާއިރާގެ ބައި އިލެކްޝަންގައި ވާދަކުރަނީ އެމްޑީޕީގެ ކެންޑިޑޭޓް އަހުމަދު ރާޒީ އާއި ޕީޕީއެމްގެ ކެންޑިޑޭޓް ފާރިޝް މައުމޫންގެ އިތުރުން އަމިއްލަ ގޮތުން ވާދަކުރާ ދެ ބޭފުޅުން ކަމަށްވާ މޫސާ ނަސީރު އަހުމަދާއި ޝަމީމް އަލީ އެވެ.
ޕީއެސްއެމުގެ ބަޔާނެއްގައި ބުނެފައި ވަނީ އެ ބަހުސެއް ބާއްވަނީ ބޭނުމަކީ، ދިއްގަތު ދާއިރާގެ ރައްޔިތުންނަށް ޓީވީއެމާއި ދިވެހި ރާއްޖޭގެ އަޑު މެދުވެރިކޮށް ކެންޑިޑޭޓުން ތައާރަފުވާން ފުރުސަތު ދިނުމަށައި އެ ތަރައްގީއާމެދު ކެނޑިޑޭޓުންގެ ވިސްނެވުން ހުރި ގޮތް ރައްޔިތުންނާ ހަމައަށް ގެންގޮސްދޭން ކަމަށެވެ.
ޕީއެސްއެމްގެ ބަހުސް ބާއްވަނީ އަންނަ މަހުގެ އެއްވަނަ ދުވަހުގެ ރޭގަ އެވެ.
ޕީއެސް އެމުން ބުނީ، ދިއްގަރު ދާއިރާގެ ބަހުސްގައި ބައިވެރިވާން އެ ދާއިރާއަށް ކުރިމަތިލެއްވި ކެންޑިޑޭޓުންނަށް ހުރިހާ މިހާރު ދައުވަތު އަރުވާފައިވާކަމަށާއި ކެންޑިޑޭޓުންނާއި އެ ބޭފުޅުންގެ މަންދޫބުންނާ ބައްދަލުކޮށް ބަހުސްގެ މައުލޫމާތު ވެސް ދީފައިވާނެ ކަމަށެވެ.