މަސްވެރިކަމާއި މަހުގެ ބާވާތްތައް އުފެދުމުގައި ރާއްޖޭގައި މިހާރު އެންމެ ބާރަށް ކުރި އަރަމުން އަންނަ ކުންފުންޏަކީ، އެންސިސް ފިޝަރީޒް ޕްރައިވެޓް ލިމިޓެޑެވެ. މަސްވެރިކަމުގެ ހިދުމަތުގައި އެ ކުންފިނިން 16 އަހަރު ހޭދަ ކޮށްފި އެވެ.
އެ ކުންފުންޏަށް 16 އަހަރު ފުރުމުގެ މުނާސަބަތުގައި، މުވައްޒަފުންނަށްޓަކައި ބޭއްވި ފުޓްސްލަ މުބާރަތަކީ، އެންސިސްގެ އެކި ޑިޕާޓްމެންޓްތަކުގެ މެދުގައި އެކުވެރިކަން އުފެއްދި އާ ރޫހެއް އާލާވެގެން ދިޔަ މުބާރާތެކެވެ. އަށް ޓީމު ވާދަ ކުރި މުބާރާތުގެ ޗެމްޕިއަންކަން ހޯދީ އެ ކުންފުނީގެ ކޯޕަރޭޓް އެފެއާޒް އަދި އެޑްމިނިސްޓްރޭޝަން ޑިޕާޓްމެންޓުން ނެރުރުނު "ޓީމު އަކަތަ" އެވެ.
ފައިނަލު މެޗު ޓީމު އަކަތަ ކާމިޔަބު ކުރީ "އެންސިސް ކެލޭ ގުލޫ" ބަލި ކުރުމަށްފަހު އެވެ.
އެންސިސްގެ އިންޓަ ޑިޕާޓްމެންޓް މުބާރާތުގެ ތާރީހުގައިވެސް ހަ އަހަރު ކަޑަތު ކޮށްފި އެވެ. މި އަހަރަކީ އެ މުބާރާތް ބާއްވިތާ ޖެހިޖެހިގެން ހަ ވަނަ ފަހަރެވެ. މި މުބާރާތް ތާރަފު ކުރީ އެންސިސްއަށް 10 އަހަރު ފުރުމުގެ މުނާސަބާތާ ދިމާކޮށް 2012 ވަނަ އަހަރު އެވެ.
މުބާރާތުގައި ވާދަ ކޮށްފައިވާ ޑިޕާޓްމެންޓްތައް: ކޯޕަރޭޓް އެފެއާޒް އެންޑް އެޑްމިނިސްޓްރޭޝަން ޑިވިޝަން، ޕްރޮޑެކްޝަން އެންޑް އޮޕަރޭޝަން، ސެންޓްރަލް ޕްރޮކިއުމެނެންޓް، މެއިންޓެނެންސް އެންޑް ކޮންސްޓްރަކްޝަން، ލޯކަލް ޕްރޮޑެކްޝަން އަދި ފައިނޭސް އެންޑް އެކައުންޓެންސް އެވެ.
މިދިޔަ ފަސް އަހަރަށްވުރެ މި އަހަރުގެ މުބާރާތް ފޯރިގަދަ އެވެ. މުބާރާތް ކުރިއަށް ގެންގޮސްފައި ވަނީ ހުޅުމާލޭ ގާޒީ ސްކޫލުގެ ޓާފް ދަނޑުގަ އެވެ.