އެފްސީ އޮގްސްބާގްގެ މައްޗަށް 4-1 ނަތީޖާ އަކުން ކާމިޔާބު ހޯދައި ޖަރުމަންގެ ލީގްގެ ޗެމްޕިއަންކަން ޖެހިޖެހިގެން ހަ ވަނަ ފަހަރަށް ބަޔާން މިޔުނިކު ހޯދައިފި އެވެ.
އޮގްސްބާގް ސްޓޭޑިއަމްގައި، ކުޅުނު މެޗުގައި، ފުރަތަމަ ލީޑް ނެގީވެސް އެ ޓީމުން ނެވެ. އެ ޓީމުގެ ލަނޑަކީ، ބަޔާންގެ ޑިފެންޑަރު ނިކްލަސް ސުލޭ އަތުން ބައިކޮޅަށް ވަން ލަނޑެކެވެ.
ނަމަވެސް ފުރަތަމަ ހާފުގައި، ކްރޮންޓިން ޓޮލީސޯ އާއި ހަމޭސް ރޮޑްރިގޭޒް ވަނީ، ފުރަތަމަ ހާފުގައި ބަޔާން އަށް ލީޑް ނަގައިދީފަ އެވެ. ދެ ވަނަ ހާފަުގައި އާރެން ރޮބިން އާއި ސެންޑްރޯ ވެގްނާ ވަނީ ބަޔާންގެ ލީޑް ފުޅާ ކޮށްފަ އެވެ.
ބަޔާން ލީގް ޗެމްޕިއަންކަން މިހޯދީ، ލީގްގައި އެޓީމަށް ފަސް މެޗު ބާކީ އޮއްވަ އެވެ. މިއީ ބަޔާން އިން ލީގް ޗެމްޕިއަން ކަން ހޯދި 27 ވަނަ ފަހަރެވެ. ބަޔާންގެ ވަގުތީ ކޯޗު ޔުޕް ހޭންކެސް ވަނީ ހަތަރު ފަހަރަށް ލީގް ހޯދާފަ އެވެ. ކުރިން ތިން ފަހަރުވެސް އޭނާ ލީގް ހޯދީ ބަޔާއާ އެކު އެވެ.
މިއަދު ލިބުނު މޮޅު ހޭންކެސް ހާއްސަ ކުރީ، މިއަދު 35 ވަނަ އުފަން ދުވަސް ފާހަގަ ކުރާ ބަޔާންގެ ފްރާންސްގެ ފޯވަޑް ފްރޭންކް ރިބެރީ އަށެވެ.