ކްއާޓާ ފައިނަލުގައި ދެ ވަނަ ލެގް މެޗުގައި ރޯމާއާ ދެކޮޅަށް ނިކުތް ބާސެލޯނާއަށް ވީގޮތާމެދު ލިވަޕޫލް އޮތީ ސަމާލު ވެގެން ކަމަށް މިރޭ ރޯމާއާ ދެކޮޅަށް ނިކުންނަ ލިވަޕޫލްގެ ކޯޗް ޔަގަން ކްލޮޕް ބުނެފި އެވެ.
ޗެމްޕިއަންސް ލީގް ސެމީ ފައިނަލުގައި މިރޭ، ލިވަޕޫލްއާ ރޯމާ ކުޅޭ ދެ ވަނަ ލެގް މެޗު އޮންނާނީ ރޯމާގެ ދަނޑުގަ އެވެ. ކްއާޓާ ފައިނަލުގައި ދެ ވަނަ ލެގް މެޗަށް ބާސެލޯނާ ރޯމްގެ ދަނޑަށް އައީ ތިން ލަނޑުގެ ލީޑަކާއެކު އެވެ. ނަމަވެސް ރޯމާ ވަނީ ބާސެލޯނާ ކޮޅަށް ތިން ލަނޑު ޖަހައި ސެމީ ފައިނަލުގެ ޖާގަ ހޯދާފަ އެވެ.
ލިވަޕޫލްގެ ދަނޑުގައި މިދިޔަ ހަފުތާ ކުޅުނު ސެމީ ފައިނަލު ފުރަތަމަ ލެގް މެޗު ލިވަޕޫލުން ކާމިޔާބު ކުރީ 5-2 ންނެވެ. މިރޭ ރޯމްގެ ދަނޑުގައި ކުޅޭ މެޗުގައި 3-0 މޮޅުވެ ރޯމާ އަށް ފައިނަލަށް ދެވޭނެ އެވެ.
ލިވަޕޫލްގެ ކޯޗް ކްލޮޕް ބުނީ ލިވަޕޫލް ކޮޅަށް ރޯމާއިން ތިން ލަނޑު ޖެހުމަކީ ވެދާނެ ކަމެއް ކަމަށެވެ. އެހެންވެ އޭނަގެ ޓީމުން އެކަމަށް ސަމާލު ވާނެ ކަމަށެވެ.
ލިވަޕޫލްގެ މީޑްފީލްޑާ ވައިނަލްޑަން ބުނީ ރޯމާގެ ކޮލިޓީ ލިވަޕޫލްގެ ކުޅުންތެރިންނަށް އެނގޭ ކަމަށާއި ނަަމަވެސް ލިވަޕޫލުން ޖެހިލުން ނުވާ ކަމަށެވެ.