މާފަންނު "ޒިޔާރާތް މިސްކިތް" ރައީސް އަބްދުﷲ ޔާމީން އަބްދުލް ގައްޔޫމް މިއަދު ހުޅުވައި ދެއްވައިފި އެވެ.
މަޝްހޫރު ވިޔަފާރި ކުންފުނި، ޔުނިވާސަލް އެންޓަޕްރައިޒް ޕްރައިވެޓް ލިމިޓަޑްގެ ހިލޭ އެހީގެ ދަށުން މާލޭގައި ބިނާ ކުރި އެ މިސްކިތް ރައީސް ހުޅުވައި ދެއްވީ މިއަދުގެ ހުކުރު ނަމާދު ވަގުތުގަ އެވެ.
މުހައްމަދު ޖަމީލް ދީދީއަށް ނިސްބަތްވާ މި މިސްކިތް އަލުން ޒަމާނީ ފެންވަރަށް އިމާރާތްކޮށްފައިވާ އެ މިސްކިތުގައި އެއްފަހަރާ 1200 މީހުންނަށް ނަމާދު ކުރެވޭހާ ޖާގަ އޮވެ އެވެ. އަލުން މިސްކިތް ފައްކާކޮށްފައި ވަނީ ދެ ފަންގިފިލާ ހިމެނޭ ގޮތަށެވެ.
އެ މިސްކިތް ހުޅުވައިދެއްވުމަށް ފަހު ރައީސް ޔާމީން ވަނީ ހުކުރު ނަމާދުގެ މިއަދުގެ ޖަމާއަތުގައި ބައިވެރިވެވަޑައިގެން ފައެވެ.
ހިލާލީގެ ބިއްދޮށަށް ވާ ގޮތަށް ހުންނަ ޒިޔާރަތް މިސްކިތް ހުޅުވުމުގެ ރަސްމިއްޔާތުގައި ބައެއް ވަޒީރުން ވެސް ބައިވެރިވެ ވަޑައިގެންނެވި އެވެ.