ގއ ދާންދޫގައި މާރާމާރީއެއް ހިންގައި 18 އަހަރު ނުފުރޭ ކުޑަކުއްޖަކު ޒަހަމްކޮށްލައިފި އެވެ.
މިރޭ އިރާކޮޅު ހިނގި އެ މާރާމާރީގައި 18 އަހަރު ނުފުރޭ ކުއްޖަކު ޒަހަމްކޮށްލާފައިވަނީ ތޫނުއެއްޗަކުން ހަމަލާދީގެންނެވެ. ފުލުހުން ބުނީ މާމެންދޫގައި މާރާމާރީއެއް ހިނގި ކަމުގެ މައުލޫމާތު މިރޭ 7:50 ހާއިރު ފުލުހަށް ހުށަހަޅާފައިވާ ކަމަށެވެ. މައްސަލަ މިހާރު ތަހުގީގުކުރަމުންދާތީ އިތުރު ތަފްސީލު މިވަގުތު ދެވެން ނެތް ކަމަށް ވެސް ބުންޏެވެ.
މައުލޫމާތު ލިބޭ ގޮތުގައި މާރާމާރީގައި ޒަހަމްވި ކުއްޖާ މިހާރު ވަނީ ފަރުވާދިނުމަށް އެރަށު ސިއްހީ މަރުކަޒަށް ގެންގޮސްފަ އެވެ. ހަމަލާ ދިނުމަށް ތޫނު އެއްޗެއް ބޭނުންކުރި އެ މާރާމާރީ ހިނގަން މެދުވެރިވި ސަބަބެއް އަދި ނޭނގެ އެވެ. އިތުރު މީހަކަށް އަނިޔާވި ކަމުގެ މައުލޫމާތެއް ވެސް އަދި ނުލިބެ އެވެ.