ހަބަރު

އދ ވޯޓްގައި އިންޑިއާއިން ރާއްޖެއަށް ދިނީ ލަނޑު

Jun 19, 2018
15
ކައުންސިލްގެ ގޮނޑިއަށް ވޯޓުލުން ކުރިއަށް ދަނީ: ރާއްޖެއަށް ވަނީ ނާކާމިޔާބުވެފަ
22.2%
11.1%
66.7%

އދ.ގެ ސަލާމަތީ މަޖިލީހަށް ދާއިމީ ނޫން މެމްބަރުން ހޮވުމަށް ބޭއްވި އިންތިހާބުގައި އިންޑިއާ އިން ރާއްޖެއަށް ވޯޓު ނުދޭކަމަށާއި، އެ ގޮނޑި ކާމިޔާބުވިޔަ ނުދިނުމަށް އިންޑިއާ އިން މަސައްކަތް ވެސް ކުރިކަމަށް، އެ ގައުމުގެ ހާރިޖީ ބޭފުޅުންނާއި ހަވާލާދީ އިންޑިއާ ނޫސްތަކުން ބުނެފި އެވެ.

އަންނަ 2019 ވަނަ އަހަރުން ފެށިގެން 2020 ވަނަ އަހަރުގެ ނިޔަލަށް ސަލާމަތީ މަޖިލީހުގެ ދާއިމީ ނޫން މެމްބަރުންގެ ގޮތުގައި ތިބޭނެ މެމްބަރުން ހޮވުމަށް އދ.ގެ އާއްމު މަޖިލީހުގައި ނެގި ވޯޓުގައި ރާއްޖެ ހިމެނޭ އޭޝިއާ ޕެސިފިކް ސަރަހައްދަށް އޮތް ޖާގަ ކާމިޔާބު ކުރީ އިންޑޮނޭޝިއާ އިންނެވެ.

އދގެ ހެޑްކުއާޓަރުގައި ބޭއްވި ސިއްރު ވޯޓްގައި ވޯޓްލީ 190 ގައުމުގެ ތެރެއިން އިންޑޮނޭޝިޔާއަށް ލިބުނީ 144 ވޯޓެވެ. ރާއްޖެއަށް ލިބުނީ 46 ވޯޓެވެ. ގައުމަކަށް ސަލާމަތީ މަޖިލީހުގެ ގޮނޑި ކަށަވަރު ވާނީ އެންމެ މަދުވެގެން 120
ގައުމުގެ ވޯޓް ލިބިގެން އެވެ.

ޖޫން 8 ގައި ބޭއްވުނު އިންތިހާބުގެ ކުރިން އިންޑިއާގެ ވޯޓު ރާއްޖެއަށް ލިބިދާނެ ކަމާމެދު ސުވާލު އުފެދުނެވެ. އިންޑިއާގެ ބޮޑުވަޒީރު ނަރެންދްރަ މޯދީ އިންޑޮނޭޝިއާއަށް ކުރެއްވި ދަތުރުފުޅެއްގައި އެ ގައުމުގެ ވޯޓު އިންޑޮނީޝިއާ އަށް ދިނުމަށް ރަސްމީކޮށް އެދިފައިވާ ކަމަށް އޭރު މީޑިއާ ތަކުން ރިޕޯޓް ކުރި އެވެ.

އިންތިހާބުން ނާކާމިޔާބުވި ނަމަވެސް، އިންޑިއާގައި ހުންނަވާ ދިވެހި ސަފީރު އަހުމަދު މުހައްމަދު ވަނީ، އިންޑިއާގެ ސަޕޯޓަށް ޝުކުރު އަދާކުރައްވާފަ އެވެ.

އެހެން ނަމަވެސް، ބައެއް ހާރިޖީ ބޭފުޅުންނާއި ހަވާލާދީ "ޓައިމްސް އޮފް އިންޑިއާ" ނޫހުން ބުނި ގޮތުގައި، ރާއްޖޭއާއި ދެމެދު ގުޅުން ގޯސްވެފައިވާ ދަނޑިވަޅެއްގައި، އދ ގޮނޑިއެއް ރާއްޖެއަށް ކާމިޔާބުވެ ނުދިނުމަށް އިންޑިއާ އިން
މަސައްކަތް ކުރިކަމަށްވެ އެވެ.

އެހާ ބޮޑު ތަފާތަކުން ވޯޓު ނާކާމިޔާބުވީ، ރާއްޖެއަށް ވޯޓު ދޭނެކަމަށް ބުނި ގިނަ ގައުމުތަކުން އިންޑިއާގެ އެދުމުގެ މަތިން ފަހު ވަގުތު ނިންމުން ބަދަލުކުރުމުން ކަމުގައި ބައެއް ފަރާތްތަކާއި ހަވާލާދީ ބުނެ ފައިވެ އެވެ.

ޔޫއެންއެސްސީގެ އޭޝިއާ ބައްރުގެ މަތީ މަގާމެއް ރާއްޖެއަށް ކާމިޔާބުނުވީ އިންޑިއާގެ ސަބަބުން ކަމުގައި ފެންމަތިވެފައި މިވަނީ، ދެގައުމުގެ ގުޅުން ވަރަށް ބޮޑުތަނުން ހީނަރުވެފައިވާ ދަނޑިވަޅެއްގަ އެވެ.

15 comment
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!

ޒެޑޭ

އދ. އަށް ކެމްޕޭނު ކުރަން ފޮނުވި މީހާ އެންމެ ފަހު ވަގުތުވެސް އުޅުނީ ސެލްފީ ނަގަން.. ރައީސަށް ހަމަ ރަނގަޅަށްވެސް މިމީހުން ދޯކާ ދީފި ..

ޙަސަން

ޝައިނީވެސް ކައްޕިއަށް ދިނީ ލަނޑު..

ސަމާސާ

ސަފީރު އެގޮތަށް ވިދާޅުވީ ސަނާކިޔައިގެންނާއި ޝުކުރުއަދާކޮށްގެންވެސް އެއްޗެއް (މަންފާއެއް) ލިބޭތޯ ބަލަން ސަފީރުންނަށް ދައުލަތުގެ މާތް ސާހިބާ އަންގަވާފައިވާތީ ކަމަށް ވަނީ. އަޅުންނަކަށް އެނޫންގޮތެއް ނޯންނާނެ. ސާހިބާ ވިދާޅުވެއްޖެއްޔާ މިވެނިދުވަހަކު ރާއްޖެއަށް އިރުއެރީ ހުޅަނގުންނޭ ބުނުމުގެ ކުޅަދާނަކަމާއި "ތޫނުފިލިކަން" ތިޔަ ސަފީރުންގެ ކިބައިގައި ހުންނާނެ. އެއީނޫންތޯ ވެރިންނަށް ކިޔަމަންވުމަކީ!!!

ކުޅުދުއްފުށި ލޮލައްނުފެނުނު ހޮސްޕިޓަލުން

ދެންކުރަންވީ ކަމަކީ މިނާގެ އަނިޔާވެރިކަމުންް ސަލާމަތްވުމައް މީނާދޭ ފައިސާގަ ހިފާމީހުންވެސް މަސަތްކަތްކުރަންވީ ތިމަންނާޔައް އެއްޗެއް ލިބެނީ މިގޮތައް އުޅެގެންކަމައްބުނާ މީހުން ތިހޯދާ ފައިސާޔަކީ ހަލާލު ފައިސާ ޔަކައްނުވާނެ އަނބިދަރިންނައް ތިފައިސާ ހަރަދުކުރާކައް ނުވާނެ ބަލިމަޑުކަން ކުރިމަތިވާނީ ދާއިމީ އެނގިހުރެ ތިފަދަ ކަނކަން ކުރާނަމަ އިންޑިޔާ ތިޔަކުރީ ރަނގަޅުކަމެއް ނުރުހުނަސް ހަގީގަތަކީމީ މަވެސްބޭނުން މަގޭގައުމުގެ ބާރެއް އޮންނަން އދ ގަ ނަމަވެސް އަހަރެން ރޯކުރި ބަތްތަވާ ދުންގަންނަ އިރު އުނދުން ނިއްވާނުލި މީހަކައް ދުންގަނނެފަހުރި ރައިސް ކާންދެވެނީ މިލައްކަ ވާހަކަ

28 ރޯދަ

ގުޅުންކަޑާލާންވީނު އެއިރުން ހުންނާނީ ރާކަނި މަސްކެވިފައި؟

ޙުއްބުލް ވަތަން

އެމީހުން އަލައްތަ ރާއްޖެއަށް ލަނޑެއްދިނީ؟

ފުވައްމުލަކު ބޭސްސިޓީ

އިންޑިއާއިންލަނޑުދިނީކަމަކަށް ގަބޫލެއްނުކުރަން، އެކަމަކުއެމީހުންނަކީވެސް ދިވެހިރާއްޖެއަށް ނުހަނުހެޔޮއެދޭބައެއްކަމަށް ގަބޫލުކުރަން ،

ޝާފީ

ސާބަހޭ އިންޑިއާ! އެއްގޮތަކަށްވެސް ތި ވޯޓު ދޭނެކަމެއްނެތް!

ދެހާސް އަށާރަ

2018 ގެ މިރައީސް އަށް ލިބޭނީ ލަނޑެވެ.

28 ރޯދަ ސްރީލަންކާ

އިންޑިއާއިންއެކަނިވޯޓުދިންނަމަ ހޮވުނީސްތަ ؟ އިންޑިއާދެކެއިންތިހާއަށްރުޅިއާދޭ އެކަމަކު ވޯޓުބޭނުންވީމަ އިންޑިއާގެއެހީތެރިކަންވެސް ބޭނުން ! ކޮބާ ދިވެހިންގެހުރިހާޒިންމާތަކާހަވާލުވެގެންއޮތް އިންޑިއާގެއެހީއެއްބޭނުމެއްނޫނޭ ކިޔަކިޔާތިބެފަ ބޮޑާހާކާލީމާވާގޮތްފެނިންޖެނުން .. އިންޑިއާއާއިއެކު ޒަމާނުއްސުރެެންބާއްވަމުންއައި އެގޮތުގައޮންނަމަ އެމީހުންވެސް ވޯޓުހޯދާދޭން މަސައްކަތްކުރީސްކަންކަށަވަރު !

ޝަރފު

އިންޑިއާއިން އެމީހުންގެ ވޯޓް ނުދީ އެހެން މީހުންގެ ވޯޓްވެސް ގެއްލުވާލީ ރާއްޖެއާމެދު އެމީހުންގެ ހިތުގައި އޮތް ނަފުރަތާ ހަސަދައިން. މިނިވަންކަމާއެކު މިގައުމުގެ ސިޔާސަތު ތަންފީޒު ނުވާނެ ކަމުގެ ހެކި މި ފެންނަނީ.

ޙހހ

އެއޮތީ އެންޓި ކެމްޕެއިންކުރި ވާހަކަ

April
SunMonTueWedThuFriSat
303112345678910111213141516171819202122232425262728293012345678910