ކުރީގެ ރައީސް މައުމޫނު އަބުދުލް ގައްޔޫމުގެ ގާނޫނީ ވަކީލް ހުސައިން ޝަމީމްގެ ސަސްޕެންޝަން އުވާލައިފި އެވެ.
އެއްވެސް ކޯޓެއްގައި ވަކާލާތުކުރުން ޝަމީމަށް މަނާކުރީ ފުލުހުން ތަހުގީގުކުރަމުންދިޔަ މައްސަލައަކާ ގުޅިގެން މިދިޔަ ފެބްރުއަރީ މަހުގެ 22 ވަނަ ދުވަހު އެވެ.
ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަން(ޑީޖޭއޭ) އިން މިއަދު ނެރުނު ބަޔާނެއްގައި ބުނީ ޝަމީމްގެ މައްސަލަ މިހާޜު ފައިލްކޮށްފައިވާޚަން ފުލުހުން ސުޕްރީމް ކޯޓަށް އަންގާފައިވާ ކަމަށެވެ. އެހެންވެ މިއަދުން ފެށިގެން ޝަމީމްގެ ސަސްޕެންޝަން އުވާލަން އެ ކޯޓުގެ ފަނޑިޔާރުންގެ މަޖިލިހުން ހިންމާފައިވާ ކަމަށެވެ.
މީގެ ކުރިންވެސް ޝަމީމް ސަސްޕެންޑް ކުރި އެވެ. ސަސްޕެންޑް ކުރުމަށް ފަހު އެ ފަހަރު ސަސްޕެންޝަން އުވާލާފައި ވަނީ ޖެނުއަރީމަހުގެ 17 ވަނަ ދުވަހުއެވެ.
ފުލުހުން ޝަމީމާ ސުވާލުކުރީ ރައީސް މައުމޫނަށް މިހާރު ކޮށްފައިވާ ހެކިފޮރުވުމުގެ ކުށުގެ ތުހުމަތަށެވެ. ރާއްޖޭގައި ކުއްލިނުރައްކަލުގެ ހާލަތު އިއުލާނުކުރުމަށް ފަހު ކުރީގެ ރައީސް މައުމޫނު އަބުދުލް ގައްޔޫމު ހައްޔަރުކުރީ ގާނޫނާ ހިލާފަށް ވެރިކަން ވައްޓާލަން އުޅުއްވިކަމުގެ ތުހުމަތަށެވެ.