ސިޔާސީ އާ ޕާޓީއެއް އުފައްދަން ހުށަހަޅާފައިވާ ކަމަށް އިލެކްޝަން ކޮމިޝަން، އީސީއިން މިއަދު ހާމަކޮށްފި އެވެ.
އީސީއިން ބުނީ، އާންމު ފަރާތަކުން ސިޔާސީ ޕާޓީއެއް އުފައްދަން ހުއްދައަށް ހުށަހަޅާފައިވާ ކަމަށާއި އެކަމާ ގުޅޭ ގޮތުން މި ހަފުތާގެ ތެރޭގައި އެ ކޮމިޝަނުން ގޮތެއް ނިންމާނެ ކަމަށެވެ. އިތުރު އެއްވެސް ތަފްސީލެއް ހާމައެއް ނުކުރެ އެވެ.
އާ ޕާޓީއެއް އުފައްދަން ހުށަހަޅާފައިމިވަނީ ރިޔާސީ އިންތިހާބު ގާތްވެފައިވަނިކޮށެވެ. އަންނަ ހަފުތާގެ ތެރޭގައި އިންތިހާބަށް ކުރިމަތިލާން ހުޅުވާލާނެ އެވެ.
މިދިޔަ އޭޕްރީލް މަހު ވެސް އާ ދެ ޕާޓީއެއް އުފައްދަން ބަޔަކު އީސީއަށް ހުށަހެޅި އެވެ. ނަމަވެސް ބައެއް ޝަރުތުތައް ފުރިހަމަ ނުވާ ކަމަށް ބުނެ އެ ދެ ޕާޓީއަށް ހުއްދައެއް ނުދެ އެވެ.