އާ ސިޔާސީ ޕާޓީއެއް އުފެއްދުމަށް އިލެކްޝަން ކޮމިޝަން (އީސީ)އަށް ހުށަހެޅުމުން އެ ކޮމިޝަނުން ހުއްދަ ނުދޭން ނިންމައިފި އެވެ.
އާ ޕާޓީއެއް އުފެއްދުމަށް އީސީއަށް ހުށަހަޅާފައި ވަނީ ވަކީލް އަބްދުﷲ ހަސީނު މިދިޔަ ހަފްތާ އާދީއްތަ ދުވަހުގަ އެވެ.
އީސީއިން މިއަދު ކުރި ޓްވީޓެއްގައި ބުނެފައިވަނީ މޯލްޑިވްސް ލޭބާ އެންޑް ސޯޝަލް ޖަސްޓިސްގެ ނަމުގައި ޕާޓީއެއް އުފެއްދުމުގެ ހުއްދައަށް އެދިފައިވާ ކަމަށާއި ނަމަވެސް އީސީއިން އެ ނަމުގައި ޕާޓީއެއް އުފެއްދުމުގެ ހުއްދައެއް ނުދޭން ނިންމާފައިވާ ކަމަށެވެ.
މިދިޔަ އޭޕްރީލް މަހު ވެސް އާ ދެ ޕާޓީއެއް އުފައްދަން ބަޔަކު އީސީއަށް ހުށަހެޅި އެވެ. ނަމަވެސް ބައެއް ޝަރުތުތައް ފުރިހަމަ ނުވާ ކަމަށް ބުނެ އެ ދެ ޕާޓީއަށް ހުއްދައެއް ނުދެ އެވެ.