ހަމައެކަނި ކެއުމާއި ޖޫސް ގިރައިގެން ބުއިމަށްވުރެ އަލަނާސިއަކީ މޮޅު މޭވާއެކެވެ. ދާދިފަހުން ބްރެޒިލްގެ ސައިންސުވެރިން ހެދި ދިރާސާއަކުން ހާމަވިގޮތުގައި ހަށިގަނޑުގައި ހުންނަ ފާރު ހިއްކުމަށާއި ކެނޑިގެން ހަލާކުވާ ތަންތަން ފަސޭހަ ކުރުމަށް އަލަނާސިއާކި މޮޅު މޭވާއެކެވެ.
ސައިންސުވެރިން ހާމަކުރި ގޮތުގައި އަލަނާސީގައި ހިމެނޭ "ބްރޯމިލޭން" ކިޔާ މާއްދާއެއްގެ ސަބަބުން ފާރުގަނޑު އަވަހަށް ރަނގަޅުވުމަށް އެހީތެރިވެދެ އެވެ. މި މާއްދާ އަލަނާސިންނާއި އޭގެ ތަނޑިން ފެންނާނެ ކަމަށް ސައިންސުވެރިން ބުނެ އެވެ. ތަންތަނުން ތަދު ކެނޑުވުމަށާއި ދުޅަވެފައި ހުންނަ ތަންތަނުން ދުޅަ ތިރިކުރުމަށްވެސް މީގެން އެހީވާނެ އެވެ.
މި ދިރާސާ ހެދުމަށް ސައިންސުވެރިން ވަނީ "ބްރޯމިލޭން" އާއި ބާކީވެފައި ހުންނަ މޭވާއިން އުފައްދާ މާއްދާއެއް ކަމަށްވާ "މާމޯސެލިއުސޯލް" ބޭނުންކޮށްގެން ބެންޑޭޖެއް އުފައްދާފަ އެވެ. އެއަށްފަހު ފާރުގަނޑެއްގައި އެ ބެންޑޭޖު ބޭއްވުމަށްފަހު ވާގޮތެއް ބެލި އެވެ.
ޕްރޮޓީން ހަޖަމުކުރުމަށް ބޭނުންވާ ތަފާތު އަށް ކެމިކަލްގެ މާއްދާއެއް "ބްރޯމިލޭން" ގައި ހުރެ އެވެ. މީގެ ސަބަބުން އަވަހަށް ފާރުނގަޑު ހިކެއް އެހީވެ އެވެ. އެންމެ ކުރީގައި އުޅުނު އެމެރިކާގެ މީހުން ފާރުގަނޑި ހިއްކުމަށް އަލަނާސި ބޭނުންކޮށް އުޅުނުކަން ދިރާސާއަށް ވަނީ ހާމަވެފަ އެވެ.