ބެސްޓް ބައި މޯލްޑިވްސް، ބީބީއެމް އިން މިދިޔަ ރޯދަ މަހާ ދިމާކޮށް ކުރިއަށް ގެންދިޔަ ރޯދަ ޕްރޮމޯޝަންގެ ނަސީބުވެރިޔާ ހޮވައިފި އެވެ.
މޭ މަހުގެ 15 އިން ޖޫން މަހުގެ 15 އަށް ކުރިއަށް ގެންދިޔަ ޕްރޮމޯޝަންގެ ނަސީބުވެރި ފަރާތައް ހޮވިގެން، އުމްރާ ދަތުރު ލިބިފައި ވަނީ، މުހައްމަދު ނަޝީދަށެވެ. އޭނާއަށް އިނާމް ހަވާލުކޮށްފައިވަނީ ބީބީއެމްގެ ހެޑް އޮފް މާކެޓިން އެންޑް ރީޓެއިލް ސޭލްސް މުކްސިތް ހުސެއިން ނެވެ.
ބީބީއެމްއިން މި ޕްރޮމޯޝަން ކުރިއަށް ގެންދިޔައީ ޝޮޕް އެންޑް ސޭވްއާ ގުޅިގެން އެވެ. މި ޕްރޮމޯޝަންގެ ނަސީބުވެރިޔާ ހޮވީ، ސޯސަން މަގުގައި ހުންނަ، ސޮޕް އެންޑް ސޭވް ފިހާރައިން ވިޔަފާރި ކުރި ފަރާތްތަކުގެ މެދުގައި ނެގި ގުރުއަތަކުން އެވެ.
ބީބީއެމް އަކީ ރިސޯޓްތަކަށް ތަކެތި ޑިސްޓްރިބިއުޓް ކޮށްދޭ ރާއްޖޭގެ އެންމެ ބޮޑު އެއް ކުންފުންޏެވެ. ބީބީއެމް އަކީ ދުނިޔޭގެ ނަން މަޝްހޫރު ޕްރޮޑަކްޓްތައް ރާއްޖެ ގެނެސް ހޯލްސޭލް ކުރާ ކުންފުންޏެކެވެ.