ހަބަރު

ރިލްވާންގެ މައްސަލަ ދައުލަތުން އިސްތިއުނާފު ކުރަނީ

ރިލްވާން--
0%
0%
0%

ނޫސްވެރިޔާ އަހުމަދު ރިލްވާން އަބްދުﷲ ގެއްލުވާލި މައްސަލާގައި މިއަދު ކުރިމިނަލް ކޯޓުން ކުރި ހުކުމް ހައިކޯޓުގައި އިސްތިއުނާފުކުރަން ގަސްކުރާ ކަމަށް ޕްރޮސިކިއުޓާ ޖެނަރަލްގެ އޮފީހުން މިއަދު ބުނެފި އެވެ.

ރިލްވާން ގެއްލުވާލި މައްސަލާގައި ޓެރަރިޒަމްގެ ދައުވާ އުފުލި ގ. ހިލްޓަން، އާލިފް ރައޫފާއި ގދ. ވާދޫ، ކަރަންކާގޭ، މުހައްމަދު ނޫރައްދީންއަށް ކުށް ސާބިތުނުވާ ކަމަށް ވަނީ ހުކުމްކޮށްފަ އެވެ. އެ ދައުވާއިން މިއަދު އެ ދެމީހުން ސަލާމަތްވެފައިވަނީ އެކަށީގެންވާ މިންވަރަށް ފުލުހުން ތަހުގީގު ހިންގާފައިނުވާތީ ހެކި ލިބިފައިނުވާތީ ކަމަށް މިއަދު ކުރިމިނަލް ކޯޓުގެ ގާޒީ އާދަމް އާރިފް އިއްވެވި ހުކުމުގައި ބުނެފައިވެ އެވެ.

ޕީޖީ އޮފީހުގެ މީޑިއާ އޮފިޝަލް ވިދާޅުވީ، މައްސަލަ އިސްތިއުނާފުކުރުމަށް ގަސްދުކުރާތީ މައްސަލަ ނިމުނު ގޮތުގެ ރިޕޯޓް ހޯދުމަށް މިހާރު ކޯޓުގައި އެދިފައިވާނެ ކަމަށެވެ. ހައިކޯޓުގައި އިސްތިއުނާފުކުރުމަށް ލިބޭނީ 10 ދުވަހެވެ.

ރިލްވާންގެ އާއިލާއިން މިއަދު ވަނީ އެ ހުކުމް ހައިކޯޓުގައި އިސްތިއުނާފުކޮށްދިނުމަށް ޕީޖީ އޮފީހުގައި އެދޭނެ ކަމަށް ބުނެފަ އެވެ. އާއިލާއިން ރިލްވާންގެ މައްސަލަ ތަހުގީގުކުރުމުގައި ފުލުހުންގެ އެތައް އިހުމާލެއްވައިވާކަން މިއަދު ސާބިތުވެފައިވާ ކަމަށެވެ. އާލިފާއި ނޫރައްދީންއަށް ކުށް ސާބިތުނުވުމަކީ އެ އާއިލާއަށް ލިބުނު ބޮޑު ހިތާމައެއް ކަމަށެވެ.

ރިލްވާންގެ މައްސަލާގައި ފުލުހުންގެ ގިނަ އިހުމާލުތަކެއް ހުރިކަން ކުރިމިނަލް ކޯޓުގެ ގާޒީ އާދަމް އާރިފް މިއަދު ކުރެއްވި ހުކުމުގައި ފާހަގަކުރައްވާފައިވެ އެވެ. ހުކުމުގައި ބުނީ، ތަހުގީގުގައި ކޮންމެހެން ދޫކޮށްލައިގެން ނުވާނެ އުސޫލުތަކަށް މި މައްސަލާގައި ފުލުހުން އެއްގޮތަކަށް ވެސް އަމަލުކޮށްފައިނުވާ ކަމަށެވެ.

1 comment
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!

ހަބީބު

ރައްޔިތުން ލޮލުގަ އަނދުން އަޅުވަނީ ތިކަމެއް ނުބަލާނެ ތިކަންކުރި މީހުން ފިލުވަން ސަރުކާރުގެ ބާރުހުރި މީހަކު ކުރިކަމެއްތީ އަދީބު މައްޗައް ބޮންގޮއްވި މައްސަލަ ސާބިތު ވެއްޖެ 5 ދުވަސްތެރޭ މިވަނީ ކިހިނެއް ރިލުވާނު މައްސަލާގަ ވެރިމީހާ ދިން ފިނޑިޖަވާބު ހަނދާން ކޮއްލާ ދެންދެއްތޯ އެކަންބަލާނެ ދެއްތޯ ބަލާފަ މިއޮތީ ރައްޔިތުން ޔާމީނު ނުހޮވާތި އެއީ މިކަންކަން ބެލުމައް

April
SunMonTueWedThuFriSat
303112345678910111213141516171819202122232425262728293012345678910