ސިނާއީ ރަށް ތިލަފުށީގައި ކޮމްޕްރެސަރެއް ގޮވައި ތިން މީހަކަށް އަނިޔާވެއްޖެ އެވެ.
ފުލުހުން ބުނީ، ތިލަފުށީގައި ކޮމްޕްރެސަރެއް ގޮވައި ތިން މީހަކަށް އަނިޔާވެފައިވާ ކަމަށެވެ. އެކަމުގެ ހަބަރު ލިބިފައިވަނީ މިއަދު ހެނދުނު 9:35 އެހާއިރު ކަމަށްވެސް ފުލުހުން ބުންޏެވެ.
ފުލުހުން ބުނީ، އަނިޔާވި ތިން މީހުންގެ ތެރޭގައި ދިވެއްސެއް ހިމެނޭ ކަމަށާއި އެމީހުންނަށް މިހާރު އައިޖީއެމްއެޗުގައި ފަރުވާ ދެމުންދާ ކަމަށެވެ. ނަމަވެސް ލިބިފައިވަނީ ކިހާވަރެއްގެ އަނިޔާއެއްކަން ސާފެއް ނުވެ އެވެ. އަދި އެެހާދިސާއާ ގުޅޭ އިތުރު މައުލޫމާތު މިވަގުތު ދެވެން ނެތް ކަމަށްވެސް ފުލުހުން ބުންޏެވެ.