ރައީސް އަބުދުﷲ ޔާމީން އަބުދުލްގައްޔޫމް މާދަމާ ހެނދުނު ތ. އަތޮޅަށް ދަތުރުފުޅެއް ފެއްޓެވުމަށް ނިންމަވައިފި އެވެ.
އެންވަޔަރަމަންޓް މިނިސްޓްރީން ބުނީ، ރައީސް ޔާމީން ތ. އަތޮޅަށް މާދަމާ ފައްޓަވާ ދަތުރުފުޅުގައި އެންމެ ފުރަތަމަ ދިއުމަށް ހަމަޖެހިފައިވަނީ ތިމަރަފުއްޓަށް ކަމަށެވެ. އެގޮތުން ސަރުކާރުން އެ ރަށުގައި ގާއިމުކޮށްދެއްވާފައިވާ ފެނުގެ ނިޒާމު ރަސްމީކޮށް ހުޅުއްވައިދެއްވައި ރައީސް ޔާމީން އެރަށުގެ ރައްޔިތުންނާ ބައްދަލު ކުރެއްވުމަށް ހަމަޖެހިފައިވާ ކަމަށްވެސް އެންވަޔަރަމަންޓް މިނިސްޓްރީން ބުންޏެވެ.
މިނިސްޓްރީން ބުނީ، ރައީސް ޔާމީން މާދަމާ ހެނދުނު ތ. އަތޮޅަށް ފައްޓަވާ ދަތުރުފުޅުގައި އެއަތޮޅުގެ ވަރަށް ގިނަ ރަށްރަށަށް ވަޑައިގަތުމަށް ހަމަޖެހިފައިވާ ކަމަށެވެ.
ރައީސް ޔާމީން މާދަމާ ތ. އަތޮޅަށް ވަޑައިގެންނެވުމަށް ނިންމަވާފައިވާއިރު، މިދިޔަ ހަފްތާގައި ވަނީ ހުވަދު އަތޮޅުގެ ރަށްރަށަށް ވަޑައިގެން އެ ރަށްތަކުގައި ހިންގާފައިވާ މަޝްރޫއުތައް އިފްތިތާހްކޮށް ރައްޔިތުންނާއި ބައްދަލުކުރައްވާފަ އެވެ.