އަންނަ އަންގާރަ ދުވަހު ފެށުމަށް ހަމަޖެހިފައިވާ ސާފް ޗެމްޕިއަންޝިޕްގެ ކުރިން މުބާރާތުގައި ވާދަ ކުރާ ބަންގުލަދޭޝް އާއި ޝްރީލަންކާ އެކުވެރިކަމުގެ މެޗެއް ކުޅެން ތައްޔާރު ވެއްޖެ އެވެ.
ބަންގާޅުގެ ޝައިހް ކަމާލް ސްޓޭޑިއަމްގައި ކުޅޭ މެޗަށާއި ސާފް ޗެމްޕިއަންޝިޕަށް ލަންކާގެ ޓީމު އިއްޔަ ވަނީ ބަންގުލަދޭޝްއަށް ގޮސްފަ އެވެ.
ބަންގުލަދޭޝްގެ ޑާކާގައި ބާއްވާ މުބާރާތަށް ހަފުތާއަކަށް ވީއިރު ހުރިހާ ޓީމެއް ކަހަލަގޮތަކަށް ދަނީ އެކުވެރި ކަމުގެ މެޗުތައް ކުޅެމުންނެވެ. ރާއްޖެ އާއި ޕާކިސްތާން ފިޔަވަ އެވެ. ރާއްޖެއާ ޕާކިސްތާން ކުޅެން ހަމަޖެހިފައި އޮތް މެޗަށް ޕާކިސްތާން ދަތުރު ނުކުރުމުން މެޗު ވަނީ ކެންސަލް ވެފަ އެވެ.
އިންޑިއާގެ ގައުމީ ޓީމުން މިއަދު، އޮސްޓްރޭލިއާގެ "އޭ" ލީގްގެ ޗެމްޕިއަން ސިޑްނީ އެފްސީއާ ދެކޮޅަށް މެޗެއް ކުޅެނެ އެވެ. ތައިލެންޑްގެ ޕްރިމިއާ ލީގްގެ ކުލަބު ބެންކޮކް ގްލާސް އެފްސީއާ ދެކޮޅަށް މިއަދު ބޫތާނުން އެކުވެރި ކަމުގެ މެޗެއް ކުޅޭނެ އެވެ.
މުބާރާތުގެ ފުރަތަމަ މެޗުގައި، އަންނަ އަންގާރަ ދުވަހު ބައްދަލު ކުރާނީ ޕާކިސްތާނާއި ނޭޕާލެވެ. ހަމަ އެދުވަހު ބަންގުލަދޭޝް އާއި ބޫޓާން ވާދަ ކުރާނެ އެވެ. ލަންކާ ކުޅޭ ފުރަތަމަ މެޗުގައި އަންނަ ބުދަ ދުވަހު އެ ޓީމު ނިކުންނާނީ އިންޑިއާ ދެކޮޅަށެވެ.