މިސް ޔުނިވާސް، ސުޝްމީތާ ސެން އެންމެ ފަހުން ފިލްމަކުން ފެނިގެން ދިޔައީ 2010 ވަނަ އަހަރު އެވެ. އެއީ ފިލްމު "ނޯ ޕްރޮބްލަމް" އިން އަކްޝޭ ކަންނާ އަދި އަނިލް ކަޕޫރްއާއެކު އެވެ.
ބޮލީވުޑް ރިޕޯޓުތައް ބުނާގޮތުގައި އޭގެ އަށް އަހަރު ފަހުން ސުޝްމީތާ މިހާރު ވަނީ ފިލްމެއް ކުޅުމަށް އެއްބަސްވެފަ އެވެ. މި އަހަރު ފަހުކޮޅުގައި މަސައްކަތްތައް ފަށާނެ ކަމަށް ބެލެވޭ މި ފިލްމަކީ ކްރައިމް ޑްރާމާއެކެވެ. އަދި މި ފިލްމުގައި ސުޝްމީތާ ކުޅޭނީ ފުލުހެއްގެ ރޯލުކަމަށްވެސްވެ އެވެ.
މި ފިލްމު ރަސްމީކޮށް މި މަހު އިއުލާނު ކުރާނެ ކަމަށްވެ އެވެ.
ފިލްމު ކުޅުމާއި ދުރުގައި ފާއިތުވި އަށް އަހަރު އުޅުނު ނަމަވެސް ސުޝްމީތާ ވަނީ އިޝްތިހާރުތަކާއި ތަފާތު ޓީވީ ޝޯތަކުން ފެނިގެންގޮސްފަ އެވެ. މިހާރު އުމުރުން 42 އަހަރުގެ އެކްޓްރެސްގެ އެންމެ ކާމިޔާބު ފިލްމުތަކުގެ ތެރޭގައި "މެއި ހޫ ނާ"، "ސިރްފު ތުމް"، އަދި "މޭނޭ ޕިޔާރް ކިޔު ކިޔާ" ފަދަ ފިލްމުތައް ހިމެނެ އެވެ.