މިދިޔަ ހޫނު މޫސުމުގެ ޓްރާންސްފާގައި ޔުވެންޓަސްއިން އޭސީ މިލާންއަށް ބަދަލުވި ތަޖުރިބާކާރު ފޯވަޑް ގޮންޒާލޯ ހިގުއައިން މިލާންއަށް ޖަހައިދިން ފުރަތަމަ ލަނޑުން، މިލާންއަށް ޕޮއިންޓެއް ހޯދައި ދީފި އެވެ.
ކެލިއަރީ އާ ދެކޮޅަށް ކުޅުނު މެޗުގައި، އެ ޓީމުން ލީޑް ނަގާފައި ވަނިކޮށް، ހިގުއައިން މިލާންއަށް ނަތީޖާ ހަމަހަމަ ކޮށްދިނީ، މެޗުގެ 55 ވަނަ މިނެޓްގައި ފްރެންކް ކެސެއި ދިން ފުރުސަތަކުންނެވެ.
މެޗު ފެށިގެން ހަތަރު ވަނަ މިނެޓްގައި، ކެލިއަރީ އަށް ލީޑް ނަގައިދިނީ ޖޯއާ ޕެޑްރޯއާ އެވެ. މެޗު އެއް ވަރުވުމުން، މިލާން ވަނީ 14 ވަނަ އަށް ޖެހިލާފަ އެވެ. އެއީ ހަތަު މެޗުން ހަތަރު ޕޮއިންޓް ހޯދައިގެންނެވެ. ކެލިއަރީ އޮތީ ފަސް ޕޮއިންޓާއެކު 12 ވަނައިގަ އެވެ.
މިދިޔަ ސީޒަންގައި، ޔުވެންޓަސްއަށް 40 ލަނޑު ޖަހައިދިން، ހިގުއައިން މިލާންއަށް ބަދަލުވީ، ކްރިސްޓިއާނޯ ރޮނާލްޑޯ ޔުވެންޓަސްއަށް ބަދަލުވުމުންނެވެ.
ރޭ ރޯމާ، ކިއޭވޯ ވެރޯނާ އާ ދެކޮޅަށް ކުޅުނު މެޗުގައި، ފުރަތަމަ ހާފުގައ ރޯމާއިން ދެ ލަނޑުގެ ލީޑެއް ނަގާފައި ވަނިކޮށް، ދެ ވަނަ ހާފުގައި ފަހަތުން އަރައި ކިއޭވޯއިން ވަނީ މެޗުގެ ނަތީޖާ ހަމަހަމަ ކޮށްފަ އެވެ.