ގޭތެރެއާއި އޮފީސްތަކަށް ބޭނުންވާ ސާމާނު ވިއްކުމުގައި މަގުބޫލުކަން ހޯދާފައިވާ، އެސްޓާސް އިން ވޮލްޓަސް އެއާކޯން، ވަރަށް ހާއްސަ ހެޔޮ އަގެއްގައި ވިއްކަން ފަށައިފި އެވެ.
ވޮލްޓަސް އަކީ ފިނިކުރުމުގެ އުފެއްދުންތަކާއި އޭގެ އާ އީޖާދުތައް ގެނައުމުގައި 60 އަހަރުގެ ތަޖުރިބާ ލިބިފައިވާ އިންޑިއާގެ އެންމެ ބޮޑު އެއް ކުންފުނި ޓާޓާގެ ސިސްޓާ ކުންފުންޏެކެވެ. މިއީ އިންޑިއާގެ އެއް ވަނަ އޭސީ ބްރޭންޑެވެ. ވޮލްޓަސް އެއާކޯން އަގުހެޔޮ ކުރީ، މި ބްރޭންޑުގެ 64 ވަނަ އަހަރީ ދުވަސް ފާހަގަ ކުރުމުގެ ގޮތުން ކަމަށް އެސްޓާސްއިން ބުންޏެވެ.
އެސްޓާސް އިން އެއާކޯންގެ އަގަށް ގެނެސްފައިވާ ހެޔޮ ބަދަލާއެކު 12،000 ބީޓީޔޫގެ އެއާކޯނެއް ވިއްކަނީ 6،999ރ. އަށެވެ. އަދި 18،000 ބީޓީޔޫގެ އެއާކޯނެއް 9،499ރ. އަށް ވިއްކާއިރު، 24،000 ބީޓީޔޫގެ އެއާކޯނެއް 11،999ރ. އަށް
ވިއްކަ އެވެ. މިއީ 12 ޕަސެންޓްގެ އަގުހެޔޮ ވުމެކެވެ.
އެސްޓާސްއިން ބުނީ އެ ފިހާރައިން ވިއްކާ ވޯލްޓަސް އޭސީގެ "އީޔައި" ސީރީސްއަކީ ރާއްޖޭގެ މާހައުލާ އެއްގޮތަށް ބަދަލުތައް ގެނެސްގެން ފަރުމާކޮށްފައިވާ އޭސީއެއް ކަމަށެވެ. ވޯލްޓަސްއަކި ދުނިޔޭގެ އެންމެ އުސް އިމާރާތް ދުބާއީގެ ބްރުޖް ހަލީފާގައި ވެސް އޭސީކުރުމުގެ ހިދުމަތް ދޭ ކުންފުންޏެކެވެ.
އެސްޓާސްއިން ދަނީ އެއާކޯން ވިއްކުމުގެ އިތުރުން އެއާކޯން މަރާމާތު ކޮށްދިނުމުގެ ހިދުމަތާއި އޭސީ ހަރުކޮށްދިނުމުގެ ހިދުމަތްވެސް ދެމުންނެވެ. މި މަސައްކަތުގައި ހަރަކާތްތެރިވަނީ ތަޖުރިބާކާރު ޓީމެކެވެ.