މަޝްހޫރު ވާހަކަ ސީރީޒް "ދި ކްރޮނިކަލްސް އޮފް ނާނިއާ" ގެ ހުރިހާ ވާހަކައަކަށް ފިލްމާއި ސީރީޒް އުފެއްދުމަށް ނެޓްފްލިކްސްއިން ނިންމައިފި އެވެ.
އެކަން އިއުލާނުކޮށް ނެޓްފްލިކްސްއިން ބުނީ ވާހަކަ ލިޔުންތެރިޔާ ސީ އެސް ލުވިސްގެ މި ވާހަކަތަކަށް ފިލްމާއި ސީރީޒް އުފައްދާނީ، ދި ސީ އެސް ލުވިސްގެ ކޮމްޕެނީއާއެކު ނެޓްފްލިކްސްއިން ހަދާފައިވާ އެއްބަސްވުމެއްގެ ދަށުން ކަމަށެވެ.
މި ވާހަކަތަކަށް ފިލްމާއި ސީރީޒް ނެޓްފްލިކްސްއަށް އުފައްދައިދޭނީ މާކް ގޯޑޮން އޮފް އެންޓަޓެއިންމަންޓް ވަން ޕްރޮޑަކްޝަން އަދި އެގްޒެކެޓީވް ޕްރޮޑިއުސަރުންގެ ގޮތުގައި ޑޯގްލަސް ގްރެޝްމަން އާއި ވިންސެންޓް ސީބާ ގުޅިގެންނެވެ.
މި ވާހަކަ ސީރީޒްގައި ހަތް ފޮތެއް ހިމެނެ އެވެ. އެ ފޮތްތަކުގެ 100 މިލިއަނަށްވުރެ ކޮޕީ ވަނީ ވިއްކާފައި އެވެ. އަދި 47 ބަހަކުން ތަރުޖަމާކޮށްގެންވެސް މި ވާހަކަ ވިއްކާފައި އެވެ.
މީގެ ކުރިންވެސް ފިލްމާއި ސީރީޒްގެ ގޮތުގައި މި ވާހަކަ ސީރީޒްގެ ވާހަކަތައް ގެނެސްދީފައިވެ އެވެ. އެންމެފަހުން މި ވާހަކަ ސީރީޒްގެ ވާހަކައަކަށް ފިލްމެއް ގެނެސްދިނީ 2010 ވަނަ އަހަރު އެވެ. އެއީ "ދި ވޮޔެޖް އޮފް ޑޯން ޓްރީޑާ" އެވެ.