އާޖެންޓީނާގެ ގައުމީ ޓީމާއި ބާސެލޯނާގެ ފޯވަޑް ލިއޮނެލް މެސީ ޓެކްސް އޮޅުވާލި މައްސަލައިގައި އޭނާ ސްޕެއިން ހައި ކޯޓަކަށް ހުށަހެޅި އެޕީލް ނާކާމިޔާބުވުމުން، އެ މައްސަލަ ޝަރީއަތަށް ހުށަހެޅުމުގެ ފުރުސަތު ބޮޑުވެއްޖެ އެވެ.
ސްޕެއިންގެ ކަމާބެހޭ ފަރާތްތަކުން ތުހުމަތުކުރާ ގޮތުގައި މެސީ އާއި އޭނާގެ ބައްޕަ ވަނީ ޓެކްސް އޮޅުވާލައިގެން ފަސް މިލިއަން ޑޮލަރު ހޯދައިފަ އެވެ. މި ފައިސާ އަކީ މެސީގެ ސްޕޮންސަރުން ދީފައިވާ ފައިސާ އެވެ.
މެސީ ހައި ކޯޓަށް ހުށަހެޅި އެޕީލްގައި ބުނެފައިވަނީ ޓެކްސް އޮޅުވާލިކަން އޭނާ އަށް ނޭނގޭ ކަމަށެވެ. އެކަމަކު ހައި ކޯޓުން ނިންމީ އެއީ މި މައްސަލައިގައި މެސީ އަދަބަކުން ސަލާމަތްވާންޖެހޭ ސަބަބެއް ނޫން ކަމަށާއި އެ ވާހަކަތަކާ މެދު ގޮތެއް ނިންމާނީ ޝަރީއަތުން ކަމަށެވެ.
ސްޕެއިން ކަމާބެހޭ ފަރާތްތަކުން ތުހުމަތުކުރާ ގޮތުގައި ޓެކްސް އަށް އޮޅުވާލުމުގެ ގޮތުން، މެސީ އިމޭޖް ރައިޓްސް ވިއްކާފާއިވަނީ އުރުގުއޭ އާއި ބެލީޒްގެ ކުންފުނިތައް މެދުވެރިކޮށެވެ.
މި މައްސަލައިގައި ޒިންމާވާން ޖެހޭނީ މެސީގެ ބައްޕަ ކަމަށް ބުނެ މީގެ ކުރިން ކުރި އެޕީލް ވެސް ވަނީ ނާކާމިޔާބުވެފަ އެވެ. -- ބީީބީސީ