ކެތޭ ޕެސިފިކް ރާއްޖެ އަށް އުދުހޭތާ ފަސް އަހަރު ފުރުން، އޭސް އޭވިއޭޝަން އިން ފާހަގަ ކޮށްފި އެވެ.
ކެތޭ ޕެސިފިކް އެއާލައިންގެ ރާއްޖޭގެ ޖީއެސްއޭ އިން އިއްޔެ ވަނީ އެއާލައިން ރާއްޖެ އަށް އުދުހޭތާ ފަސް އަހަރު ފުރުން
ފާހަގަ ކޮށްފަ އެވެ.
އެ އެއާލައިނުން ރާއްޖެ އަށް ދަތުރުތައް ފަށާފައިވަނީ 27، އޮކްޓޫބަރު 2013 ވަނަ އަހަރު އެވެ. ހޮންކޮންގުން ހަފުތާއަކު ހަތަރު ފްލައިޓް ބާއްވާ މި އެއާލައިނުގެ ދަތުރުތަކުގެ ސަބަބުން ރާއްޖޭގެ ޓޫރިޒަމަށް ދަނީ ގިނަ ފައިދާތަކެއް ކުރަމުންނެވެ.
ކެތޭ ޕެސިފިކް އިން މެދުއިރުމައްޗާއި އޭޝިއާ އަދި އެފްރިކާ އަށް ކަނޑައަޅުއްވާފައި ހުންނަވާ ޖެނެރަލް މެނޭޖަރު މާކް ސުޗް ވިދާޅުވީ ފަސް އަހަރަށްފަހު ވެސް އެ އެއާލައިންއިން ރާއްޖެއަށް ދަތުރުތައް ކުރަމުންދާނެ ކަމަށެވެ.
އޭޝިއާ އާއި މެދުއިރުމަތި އަދި އެފްރިކާއިން ގިނަ އަދަދެއްގެ ޓޫރިސްޓުން ގެންނަ ކެތޭ ޕެސިފިކް އެއާލައިން އިން ރާއްޖެ އަށް ދަތުރު ކުރުމަށް ބޭނުން ކުރަނީ އެއާބަސް އޭ330 އާއި 300 މަރުކާގެ ބޯޓު ފަހަރެވެ.