ބޮލީވުޑްގެ ތަރި އަކްޝޭ ކަންނާގެ މަންމަ، އަދި ކުރީގެ ފިލްމީ ތަރި ވިނޯދް ކަންނާގެ ފުރަތަމަ އަންހެނުން ގިތާންޖަލީ ޚަންނާ މަރުވެއްޖެ އެވެ.
ގިތާންޖަލީގެ މަރުގެ ސަބަބު އާއިލާއިން އަދި ޔަގީންކޮށްދީފައި ނުވި ނަމަވެސް، މަރުވުމުގެ ކުރިން މޭގައި ރިއްސާ، ހިތަށް ތަދުވާތީ އުޅުނު ކަމަށް އިންޑިއާގެ މީޑިއާ ރިޕޯޓުތައް ބުނެ އެވެ. އަދި މޭގައި ރިއްސާ އުނދަގޫތަކެއް ވާތީ ކުލިނިކަކަށް ވެސް ދައްކާފައިވާ ކަމަށް ބުނެފައި ވެއެވެ. ގިތާންޖަލީ މަރުވެފައިވަނީ މިދިއަ ހޮނިހިރު ދުވަހުގެރޭ ދަންވަރު އޭނާގެ ގޭގަ އެވެ.
ބެންގަލޫރުގެ އަލިބާގު ހޮސްޕިޓަލަށް ގިތާންޖަލީ ގެންދިޔައިރު ވެސް މަރުވެފައިވާ ކަމަށް އެ ހޮސްޕިޓަލަށް ހަވާލާދީ ރިޕޯޓުތައް ބުނެ އެވެ. ކުރީގެ ފިލްމީ ތަރި ވިނޯދް ކަންނާ އާއި ގިތާންޖަލީ ކައިވެނި ކުރީ 1971 ގަ އެވެ. އަދި 1985 ގައި މި ކައިވެނި ނިމުމަކަށް އައިސް ވިނޯދް ކަންނާ ވަނީ އެހެން މީހަކާ ކައިވެނި ކޮށްފަ އެވެ. ވިނޯދް ޚަންނާ މަރުވީ މިދިޔަ އަހަރުގެ އޭޕްރީލްގަ އެވެ.