ގައުމީ ބާސެކްޓްބޯޅަ މުބާރާތުގެ އަންހެން ޑިވިޝަންގެ ފައިނަލު މެޗަށް ސައިކްލޯން ނުކުންނަނީ، ތާރީހީ ބޮޑު ރެކޯޑެއް ހާސިލު ކުރުމުގެ އަމާޒާއެކު އެވެ. މިއަދު ހަވީރު ޖިބްލީ ސުޕޯޓްސް ކުލަބާ ދެކޮޅަށް ކުޅޭ މެޗުން ސައިކްލޯން މޮޅު ވެއްޖެނަމަ އެ ޓީމު ނިންމާލާނީ އަހަރުގެ ހުރިހާ މުބާރާތެއް ކާމިޔާބު ކުރުމުގެ އިތުރަށް ހުރިހާ މެޗަކުން މޮޅުވެގެންނެވެ.
ފައިނަލު މެޗުގައި، ސައިކްލޯންއާ ދެކޮޅަށް ނިކުންނަ ޖިބްލީއަކީ، ބާސެކްޓްގައި އެންމެ ވާދަވެރި ދެ ޓީމެވެ. މި ދެ ޓީމު ވަނީ މި އަހަރު ހަތަރު ފަހަރު ބައްދަލު ކޮށްފަ އެވެ. މިއަދުގެ މެޗަށް ނިކުންނައިރު ސައިކްލޯންގެ އަމާޒަކީ ޖިބްލީއާ ދެމެދު އޮތް ވާދަވެރި ރޭހަށް މަޑު ޖެހުމެއް އަޔަ ނުދިނުމެވެ.
ސައިކްލޯންގެ ކޯޗުގެ މަސްއޫލިއްޔަތު މިވަގުތު އަދާ ނުކުރި ނަމަވެސް، ސައިކްލޯންގެ ހެޑްކޯޗަކީ އަހްމަދު ނަޒީފް އެވެ. އޭނާ އަބަދުވެސް ބުނާ ވާހަކައެއް އޮވެ އެވެ. އެއްވެސް މެޗެއް ފަސޭހަ ކޮށްލުމުގެ ވިސްނުމެއް ސައިކްލޯން ނުގެން ގުޅޭނެ އެވެ. އަމަދުން ފައިނަލު މެޗެއްގައި ސައިކްލޯން ނުކުންނާނީ ނަގުލުރޯޅިއެއްހާ ބާރު މިނުގަ އެވެ.
"ކުޅުންތެރިން މި އަހަރު ވަރަށް މަސައްކަތް ކޮށްފި، މި އަހަރު މި ބޮޑު ޝަރަފާއެކު މި ކުޅުންތެރިންނަށް ނިންމާލުން ހައްގު،" ނަޒީފް ބުންޏެވެ. "ހުރިހާ މެޗެއް ކާމިޔާބު ކޮށްގެން ނިންމާލެވިއްޖެނަމަ މިއީ މި ޓީމަށް ލިބޭނެ ބޮޑު ޝަރަފެއް."
"މިހާރު ސައިކްލޯންއަކީ އަންހެން ބާސްކެޓްގައި އެންމެ ގިނަ ކާމިޔާބު ހޯދާ ޓީމު ހާއްސަކޮށް މިދިޔަ ދެ އަހަރު އަޅުގަނޑުމެންނަށް ލިބުނު ކާމިޔާބު ހަމަ ވަރަށް ރަނގަޅު، ދެން މިއޮތީ ގައުމީ މުބާރާތް އެއީ އަޅުގަނޑުމެންނަށް ވެސް އެންމެ މުހިންމު މުބާރާތް."
މުބާރާތްތަކަށް ތައްޔާރު ވުމުގެ ގޮތުން، ކޮންމެ އަހަރަކު ވެސް ޓްރެއިނިން ޓްއާއެއްގައި ރާއްޖެއިން ބޭރަށް ދިއުމަކީ އެ ޓީމު ތާވަލުގައި ހިމަނައި ލިޔެވިފައި އޮންނަ ކަމެކެވެ.
ސައިކްލޯންގައި ވަރުގަދަ ސްކޮޑެއް އެބައޮތެވެ. ހަމައެޔާއެކު ކުރިމަގަށްޓަކައި ޓީމެއް ބިނާ ކުރަން ކުރަން ޖެހޭ މަސައްކަތް ވެސް އެޓީމުން ދަނީ ކުރަމުންނެވެ. އަންހެން ޑިވިޝަންގައި ވަރަށް ހުނަރުވެރި ކުޅުންތެރިން އުފެދިގެންދެ އެވެ. ސައިކްލޯންއިން ވެސް ކުރިމަގަށް ޓީމެއް ބިނާ ކުރުމުގެ މަސައްކަތަށް ވަރަށް ބޮޑު އިސްކަމެއް ދޭކަން ނަޒީފް ފާހަގަ ކުރި އެވެ. ނަޒީފް ބުނީ އަންހެން ބާސްކެޓް ޑިވްލަޕްމެންޓުން ނަތީޖާވެސް ރަނގަޅު ކަމަށެވެ. ނަމަވެސް އެކަމަށް އޮތީ މާބޮޑު މައްސަލައެކެވެ.
އެ ޓީމުން ވަނީ މި އަހަރުގެ އެމްބީ ޗެމްޕިއަންޝިޕާއި، ގައުމީ ލީގް ކާމިޔާބު ކޮށްފަ އެވެ. ސޯޝަލް ސެންޓަރުގެ އިންޑޯ ހޯލްގައި ކުޅޭ ގައުމީ މުބާރާތުގެ ފައިނަލު މެޗު ފަށާނީ މިއަދު ހަވީރު 4:00 ގަ އެވެ.