މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީޒް (މަޓީ) ގެ ކުރިއަށް އޮތް ދައުރުގެ ޗެއާމަންގެ ގޮތުގައި މުހައްމަދު އުމަރު މަނިކް (އެމްޔޫ މަނިކު) ހަމަޖައްސައިފި އެވެ.
ކުރުނބާ މޯލްޑިވްސްގައި މިއަދު ބޭއްވި މަޓީގެ 29 ވަނަ އަހަރީ އާއްމު ޖަލްސާގައި އެ ޖަމިއްޔާގެ ޗެއާމަންގެ ގޮތުގައި ކުރި އަށް އޮތް ދައުރަށް އެމްޔޫ މަނިކު ޗެއާމަން އަކަށް ހޮވުމުގެ އިތުރުން ވައިސް ޗެއާމަންގެ ގޮތުގައި ހޮވާފައި ވަނީ ޗަމްޕާ ހުސެއިން އަފީފުގެ އިތުރުން ވޮޔޮޖަސް މޯލްޑިވްސްގެ ވެރިޔާ ސޮލާހު ޝިހާބު އެވެ.
ރާއްޖޭގެ އެންމެ ގިނަ މަހުޖަނުން ހިމެނޭ މަޓީގެ ސެކްރެޓަރީ ޖެނެރަލްއަކަށް އިންތިހާބު ކޮށްފައިވަނީ ކްރައުން ކޮމްޕެނީގެ އެއް ޑިރެކްޓަރު އަހްމަދު ނަޒީރު (ކްރައުން ނަޒީރު) އެވެ. މީގެ އިތުރުން ފައިނޭންޝަލް ކޮންޓްރޯލަރަކަށް ކުރިންވެސް އެ މަގާމުގައި ހުންނެވި ލިލީ ހޮޓެލްސްގެ އަހްމަދު ހަފީޒެވެ.