ތޭރަ މީހުނާ އެކު ދަތުރުކުރަމުންދިޔަ ދޯންޏެއް ގެއްލިގެން އެމްއެންޑީއެފްއިން ހޯދަން ފަށައިފި އެވެ.
އެމްއެންޑީއެފް އިން ބުނީ "ޔުނިޓީ" ނަމަކަށް ކިޔާ ދޯނި މަހަށް ފުރާފައިވަނީ ޖެނުއަރީ 25 ވަނަ ދުވަހު އެވެ. މި ދޯނީގެ ހަބަރެއް ނުވެގެން އެމްއެންޑީއެފްގެ ކޯސްޓް ގާޑް މެރިޓައިމް ރެސްކިޔު ކޯޑިނޭޝަން ސެންޓަރަށް ލިބިފައިވަނީ އިއްޔެ 2:14 ހާއިރު ކަމަށެވެ.
އެމްއެންޑީއެފް އިން އިތުރަށް ބުނީ މިދޯނީ ހއ.ކެލަޔާއި ދިމާލު ބޭރުގައި މަސްވެރިކަންކުރުމުގައި އުޅުނު ކަމުގެ މައުލޫމާތު ޖެނުއަރީ 29 ވަނަ ދުވަހު ލިބިފައިވާ ކަމަށާއި މި ދޯނީގެ ދިގުމިނުގައި 30 މީޓަރު ހުރި ބޭރުގައި ގަދަނޫ ކުލައިގެ ދަވާދު ލާފައިވާ އަދި ހުދު ކުލައިގެ ގެގަނޑެއް ލާފައިވާ ދޯންޏެކެވެ.