ސްކޮޓިޝްގެ އަންހެނަކު ޗުއްޓީއަށްފަހު އޭނާގެ ތަކެތި ނަގަނިކޮށް ދަބަހުގެ ތެރޭ ބާއްވާފައި އޮތް ބޫޓް ކިބައަކުން ފެނުނީ ހަރުފަ އެކެވެ.
ބީބީސީގެ ރިޕޯޓެއް ބުނި ގޮތުގައި، މާރިޔާ ބޮޒަލް ކިޔާ ސްކޮޓްލޭންޑްގެ މީހާ، ތަކެތި އަޅަން ގެންގުޅުނު ދަބަހުގެ ތެރޭގައި އޮތް ބޫޓު ކިބައިގެ ތެރޭގައި ހަރުފަ އޮތީ ހަމަޖެހިލައިގެނެވެ. އޭނާ ޗުއްޓީ އަށްފަހު ދަބަސް ދަބަހުން އެއްޗެހި ނަގަން އުޅުމުގެ ތެރޭގައި ހަރުފަ ވެސް ފެނުނީ އެވެ.
މި ހަރުފަ އޭނާގެ ދަބަހުގެ ތެރެއަށް ވަދެ ބޫޓްކިބައިގެ ތެރޭގައި އޮވެގެން 14،000 ކިލޯމީޓަރަށް ދަތުރު ކޮށްފައި ވެއެވެ.
ރިޕޯޓް ބުނި ގޮތުގައި ހަރުފައާއެކު ދަތުރު ކުރި މާރިޔާއަށް ބޫޓު ކިބައިގެ ތެރެއިން ހަރުފަ ފެނުމުން ފުރަތަމަ ހީކުރެވުނީ ބަޔަކު ލަނޑެއް ދޭން އޭނާގެ ދަބަސް ތެރެއަށް ލާފައި އޮތް ކުޅޭ ކުޅޭ ހަރުފަ އެކެވެ. ނަމަވެސް، އަތްލުމުން އެ ހަރުފަ ތެޅިގަތުމާއެކު އެއީ ދިރޭ ހަރުފަ އެއް ކަން އެނގުނެވެ.
އޭގެ ފަހުން މާރިއާ ވަނީ ހަރުފަ އޮތް ބޫޓާއެކު ސްކޮޓްލަންޑުގެ ޖަނަވާރު ހިމާޔަތް ކުރާ މީހުނާ ހަވާލުކޮށް ހިމާޔަތް ހޯދައިދީފައެވެ. ޖަނަވާރު ހިމާޔަތް ކުރާ މީހުން ބެލުމަށްފަހު އެއީ ވިހަނުލާ ހަރުފައެއް ކަމަށް ބުނެފައި ވެއެވެ.
ފްލައިޓެއްގައި އޮސްޓްރޭލިއާއިން ސްކޮޓްލަންޑަށް ދިޔަ މި ހަރުފަ މިހާރު ވަނީ ޖަނަވާރު ހިމަޔާތް ކުރާ މީހުންގެ ހަވާލުގަ އެވެ.