ޑިފެންސް މިނިސްޓަރު މާރިޔާ އަހުމަދު ދީދީއާ ސުވާލު ކުރުމަށް މާދަމާ މަޖިލީހަށް ހާޒިރުވުމަށް އެކަމަނާއަށް އަންގައިފި
އެވެ.
އެކަމަނާ މާދަމާ މަޖިލީހަށް ހާޒިރު ކުރަނީ، އިންޑިއާ ސިފައިންނަށް ރާއްޖެ ހިފިދާނެ ކަމަށް ވިދާޅުވެ އިންޑިއާގެ މީޑިއާއަކަށް މިނިސްޓަރު އިންޓަވިއު ދެއްވާފައިވާ ކަމަށް ބުނެ ހުށަހަޅާފައިވާ މައްސަލައިގައި ސުވާލު ކުުރުމަށެވެ. މިނިސްޓަރު މާރިޔާ މިއަދު، "އަވަސް"އަށް ވިދާޅުވީ މަޖިލީހަށް ހާޒިރުވާން އަންގާފައި ވަނީ މާދަމާ ހެނދުނު 9:00 ގައި ކަމަށެވެ.
އެކަމާ ގުޅިގެން އެކަމަނާގެ އިތުބާރު ނެތް ކަމުގެ މައްސަލައެއް ވެސް މަޖިލީހަށް ވައްދާފައިވެ އެވެ. އެހެން ނަމަވެސް އެ މައްސަލަ އަދި އެޖެންޑާކޮށްފައެއް ނުވެ އެވެ.
ޑިފެންސް މިނިސްޓްރީއިން މީގެ ކުރިން ބުނެފައިވަނީ މިނިސްޓަރު އިންޑިއާއަށް ކުރެއްވި ދަތުރުފުޅުގައި އެ ގައުމުގެ މީޑިއާއަކަށް ދެއްވި އިންޓަވިއު ރާއްޖޭގެ ބައެއް މީޑިއާތަކުން ބޭނުން ކުރަނީ އެކަމަނާ ދެއްކެވި ވާހަކަފުޅުތަކުގެ މާނަ މުޅިން އޮޅޭ ގޮތަށް ކަމަށެވެ. އަދި އެ އިންޓަވިއުގައި މާރިޔާ ވިދާޅުވީ، އިންޑިއާއިން އެއްވެސް ޒަމާނެއްގައި ރާއްޖެ ހިފަން ނޫޅޭ ކަމަށާއި ދެ ގައުމުގެ ދެމެދުގައި އޮންނަނީ އެއަށް ވުރެ ގާތް އެކުވެރި ގުޅުމެއް ކަމަށް ވެސް ޑިފެންސް މިނިސްޓްރީ އިން ބުނެފައިވެ އެވެ.